Matius 21:41 - Kaili Ledo

⁴¹ Nesana ira, “Natantumo rapatesina ira nadaa haitu bo rabolina taluana ka tona ntanina anu madota mombadekei ka ia bagiana lako ri asele ntalua ri tempona.”

Matius 21:41 Referans Kwoze

Suro-Suro 18:6

Tapi aga nievara bo nisalaira i Paulus. Jadi i Paulus nombavurenggenaka pakeana, tandana ia mompalaisi ira sabana nipoarara tesana. Niulina, “Ane komiu rahuku nu Alatala, salamiu mboto, ledo salaku! Mompamula sii-sii yaku hau mompatolele Tesa nu Alatala ka tona ledo toYahudi!”

Matius 21:43

Nanguli muni i Yesus ka ira, “Ivesia muni sanu komiu nompoara Yaku. Jadi Kuuli ka komiu, bagiamiu riara Poparenta nu Alatala raala lako nte komiu bo radekei ka tona ntanina anu mangoseaka dota nu Alatala.

Suro-Suro 28:28

Kaupuna i Paulus nanguli, “Sampesuvu-sampesuvuku. Kareba Belo nanguli berimba Alatala mompakasalama manusia. Jadi nau ledo ratarimamiu, kana rasanimiu, Kareba Belo haitu nipatolelemo ka tona ledo toYahudi bo iramo mangoseakana.”

Ibrani 12:25

Jadi sampesuvu-sampesuvu, pakabelo-belo, nee sampe komiu ledo madota mangepe tesa niuli nu Alatala ka komiu. Apa isema-sema ledo nadota mangepe pepatora nu Alatala anu nipapola Nabi Musa ri dunia bara ipia, ira ledo rakabasaka lako ri pehuku nu Alatala. Nemopa kita anu nangepe Ia notesa lako ri suruga! Ane kita ledo madota mangepe Ia, natantumo kita muni ledo rakabasaka lako ri pehukuNa.

Ibrani 2:3

Ane ivesia nte Atura nTupu, nemopa Kareba Belo anu nipatolele i Yesus! Kareba haitu nombatesaki carana kita mamala rapakasalama. Kareba haitu nelabipa kabelona pade Atura nipapola malaeka-malaekaNa nggaulu. Jadi ane ledo rapeilita kareba haitu, berimbamo kita makabasaka lako ri pehuku? Kareba haitu pamulana nipatolele i Pue Yesus mboto. Tona anu nangepe Ia nompakalanto ka kita, kareba haitu mpuu-mpuu nakana bo namala rasarumakata.

1 Tesalonika 2:16

Niuliku ivesia sabana toYahudi haitu nasaro nombalava kami. Kami madota mompatolele Kareba Belo ka tona ledo toYahudi ala rasanira ira mamala rapakasalama. Tapi toYahudi pangane nombalava kami bo ivesiamo aga nantambai dosara sampe nadea gagamo. Bo sii-sii ira mambela pehuku nu Alatala.

Suro-Suro 28:8

Tempo haitu, tuama i Publius kambale-mbale naturu apa nakokora bo nabunjoro. Jadi i Paulus hau nesua nte ia, nombadika palena ri karo ntotua bo nosambaya. Naliu haitu nabelomo totua.

Suro-Suro 15:7

Nasae mpuu ira nosinjula pekiri. Kaupuna neanggamo i Petrus bo nanguli, “Sampesuvu-sampesuvu! Nisanimiu mboto bara sakuya kasaena naliu, Alatala nompelisi yaku lako nte komiu mompatolele Kareba Belo ka tona ledo toYahudi ala ira muni mangepe bo momparasaya.

Matius 3:12

Ia nasimbayu eva tona novaro pae. Nasadiamo Ia ante tapi ri paleNa bo ravarona paeNa sampe magasa. Pae naisi raboliNa riara gampiriNa, tapi meena rapalabusiNa riara apu anu ledo mapaya-paya.”

Matius 21:34

Nakavapa tempona mompupu vua anggur, nitudunamo bara sakuya-ndua batuana hau nte topokarajaa talua ala mantarima bagiana lako ri vua anggur.

Matius 21:40

I Yesus nompekutana pakeni ntoYahudi haitu, “Berimba panggavamiu? Ane tupu ntalua haitu manjili ngena, nuapa rapoviana ka topokarajaa haitu?”

Lukas 20:16

Natantu rapatesina pura-pura ira, bo radekeina taluana ka tona ntanina mojampangina.” Topangepe porapa haitu nanguli ka i Yesus, “Nee mpuu sampe majadi ivehaitu!”