Matius 21:30 - Kaili Ledo

³⁰ Hau vai tuamana nte anana karanduana bo niulikana, ‘Anaku, koimo iko mokarajaa ri talua.’ Tapi nesana ngana haitu, ‘Iyo, Tata. Hau yaku.’ Tano mai, ledo hau ia.”

Matius 21:30 Referans Kwoze

Titus 1:16

Pangulira ira nosisani ante Alatala, tapi pokainggura ledo nosinggambela nte tesara. Pokainggura aga nompakarunggu rara nu Alatala, bo ira ledo nadota natundu nte Alatala. Ledo nipakulera nokainggu nabelo.

Matius 23:3

Haitu sampe komiu masipato mangoseaka bo matundu ri pura-pura anu nipatudukira ka komiu. Tapi nee rapasiala pokainggura, sabana ira mboto ledo nangoseaka pepatuduki nipatudukira ka komiu.

Matius 21:29

Bo nesana ana lumbua, ‘Ledo yaku hau!’ Tapi naliu haitu nanjoso raramo ia bo kana hau mpuumo ia nokarajaa ri talua.

Matius 21:31

Nanguli i Yesus ka pakeni ntoYahudi haitu, “Jadi lako ri ngana randua haitu, isemana nangoseaka dota ntuamana?” Nesana ira, “Ngana paratamana.” Nanguli i Yesus ka ira, “Nakana pesanamiu. Tapi pariaramo tesaKu hitu, tona nadaa eva topesingara balasitee bo bajinga-bajinga mokolu majadi todea riara Poparenta nu Alatala, ledo komiu.