Matius 21:19 - Kaili Ledo

¹⁹ Ri soso dala nikitaNa sanggayu kayu ara. Jadi hau Ia nanggaparai kayu haitu, tapi nau aga sangu vuana ledo ria nikavaNa, aga tavana bayangi. Jadi niuliNa ka kayu haitu, “Mompamula eo hitu, domo movua iko!” Bo kaliu-liu nalelemo kayu haitu.

Matius 21:19 Referans Kwoze

Titus 1:16

Pangulira ira nosisani ante Alatala, tapi pokainggura ledo nosinggambela nte tesara. Pokainggura aga nompakarunggu rara nu Alatala, bo ira ledo nadota natundu nte Alatala. Ledo nipakulera nokainggu nabelo.

Yohanes 15:6

Tona ledo naroo nosangu rara nte Yaku kana ratedeaka nasimbayu mpo tinggu nu valaa ratedeaka sampe mangau. Tinggu-tinggu nangau haitu aga rapasiromu ratedeaka ri mata nu apu bo rapalabu.

Lukas 3:9

Pehuku nu Alatala nasimbayu mpo baliu, nasadiamo rapotovo kayu sampe ri kalena ane ledo naria vuana nabelo. Kayu ledo nabelo vuana haitu ratovosi bo ratedaka ri mata nu apu.”

Yohanes 15:2

Tinggu-tingguKu anu ledo novua nikoto bo nitedakaNa. Tapi tinggu-tinggu novua nipegasaNa pakabelo-belo ala mantambai kadea vuana.

Markus 11:14

Pade niuliNa ka kayu ara haitu, <> AnaguruNa nangepe Ia nombapindasi kayu ara haitu.

Pompakita 22:11

Isema-sema nadaa pokaingguna, palambamo ia batena movia nadaa. Isema-sema naruto pokaingguna, palambamo ia batena movia anu naruto. Isema-sema nanoa, palambamo ia masaro movia anu nanoa. Isema-sema nagasa rarana, palambamo ia batena movia anu nagasa.”

Yudas 1:12

Tempo komiu nasiromu nangande nosanggani-nggani mantora posangu raramiu nte i Kristus, guru-guru mpodava gahaitu aga nepakaeya. Ledo naeya matara nompebasa nangande bo aga nompekirika karora mboto. Ira ledo ntoto ria gunana, nasimbayu mpo kulimu vuri anu ledo najadi uda, aga niburusi mpoiri. Bo ira nasimbayu mpo kayu ledo novua ri tempo mpovuana, mpo kayu nitovo bo nipekalesi sampe namate mpuu.

2 Timotius 3:5

Pangoseakara ada-ada agama mpo tona natundu nte Alatala, tapi riara ntaira nipoarara kuasa nu Alatala anu nompakule mombabaliki rarara nadaa. Timotius, nee mpuu mosimpovega nte tona nokainggu nadaa ivehaitu.

Matius 21:20

Nokumaamo rara nu ana-anaguruNa. Nipekutanara nte Ia, “Berimba sampe kayu ara haitu kaliu-liu namate ivehaitu?”

Markus 11:20

Naeo mpadondo sanggaeo mpisina, noliumo ira ri kayu ara anu nipindasi i Yesus. Nikitara kayu haitu namate sampe ri kalenamo.