Matius 21:17 - Kaili Ledo

¹⁷ Naupu haitu i Yesus nompalaisi ira, pade nesuvu Ia lako ri ngata Yerusalem hau ri ngata Betania. Bo naturumo Ia sambongi hamai.

Matius 21:17 Referans Kwoze

Yohanes 11:18

Ngata Betania haitu napara ngata Yerusalem, nitasere talu-kilo kakavaona.

Yohanes 11:1

Naria saito langgai nosanga i Lazarus anu nonturo ri ngata Betania nosanggani-nggani ante sampesuvuna mombine anu nosanga i Maria bo i Marta. I Maria mombine nombatoli lana dupa ri kada i Yesus bo nipakabaina ante buluana. Naria sanggani i Lazarus nadua ntamo.

Lukas 24:50

Naupu haitu, i Yesus nanggeni ana-anaguruNa hau ri savaliku ngata Yerusalem napara ngata Betania. Ri sia nilaerakaNa paleNa bo nerapi Alatala mombadekei belo ka ira pura-pura.

Markus 11:11

Nakava ri ngata Yerusalem, nesuamo i Yesus ri Banua nu Alatala. Naupu nipeintaNa pura anu naria hamai, nalaimo Ia ante anaguruNa sapulu randua haitu manjili hau ri ngata Betania, apa nanggoviamo.

Markus 11:19

Nggoviana i Yesus ante anaguruNa nesuvu hau ri savaliku kota haitu.

Matius 16:4

Nadaa mpuu komiu natuvu sii-sii! Komiu ledo natutu nangoseaka Alatala. Komiu nerapi ala Kupovia tanda rapokumaaka ntona. Tapi ledo ria sangua tanda rapopakita ka komiu, aga tanda eva anu najadi nte Nabi Yunus nggaulu.” Naupu haitu, nipalaisiNamo ira.

Lukas 19:29

Napara ngata Betfage bo Betania ri kente nu Bulu Zaitun, nituduNa randua anaguruNa hau mokolu.

Lukas 10:38

Naupu haitu i Yesus ante anaguruNa nompapola polipara, nesai ri sangu ngata. Ri sia naria saito mombine nosanga i Marta nogaga i Yesus hau ri banuana.

Markus 11:1

Tempo i Yesus ante anaguruNa naparamo ngata Yerusalem, ira nakava ri ngata Betfage bo ngata Betania ri kente nu Bulu Zaitun. I Yesus nombatudu randua anaguruNa mokolu.

Markus 3:7

I Yesus ante anaguruNa hau ri Rano Galilea. Nadea mpuu tona lako ri bagia Galilea nantuntuni ira. Nadea muni tona nakava lako ri bagia Yudea,

Matius 26:6

Tempo i Yesus ante ana-anaguruNa naria ri ngata Betania ira nesai ri banua ntona nosanga i Simon anu nadua oge bara ipia.

Markus 14:3

Tempo i Yesus naria ri ngata Betania, Ia hau ri banua i Simon anu nadua oge bara ipia. Da nonturo nangande ri sia, nakavamo saito mombine nanggeni sangu botolo nipovia lako ri vatu pualam. Botolo haitu noisi lana dupa nasuli mpuu alina anu nipovia lako ri kale navangi. Mombine haitu nombakotosaka tambolo botolo haitu bo nitolina lana dupa ri balengga i Yesus, tandana pebilana ka Ia.