Matius 20:23 - Kaili Ledo

²³ Bo nanguli i Yesus ka ira, “Nakana mami komiu mombarasai pepandasa eva pepandasa Kurasai. Tapi ledo Yaku nakuasa mompakatantu isema masipato monturo ri sabingga ngganaKu bara ri sabingga njidiKu. Ponturo haitu aga bagia ntona anu nipakatantu nTuamaKu.”

Matius 20:23 Referans Kwoze

Pompakita 1:9

Yaku hii i Yohanes, sampesuvumiu sampomparasaya. Yaku nombarasai susa bo pari nasimbayu ante pura-pura topangoseaka i Yesus, bo yaku muni najadi todea riara PoparentaNa nasimbayu ante pura-pura topangoseaka i Yesus, bo yaku muni nosabara tempo nipandasa, nasimbayu ante pura-pura topangoseaka i Yesus. Yaku nitaniaka ri levuto Patmos, sabana nompatolele Tesa nu Alatala bo pepatuduki i Yesus.

Suro-Suro 12:2

Nituduna tona mompatesi i Yakobus, sampesuvu i Yohanes, ante guma.

Markus 10:40

Tapi ledo Yaku nakuasa mompakatantu isema masipato monturo ri sabingga ngganaKu bo ri sabingga njidiKu. Aga Alatala nompakatantu isema masipato monturoka ponturo haitu.>>

Matius 25:34

Bo Kuuli ka ira ri sabingga ngganaKu ivei: ‘Kamaimo komiu nipobelo nTuamaKu. Pesuamo riara KamagauaKu, naria ponturo ri sii nipakasadia ka komiu lako ri lamba pamulana.

1 Korintus 2:9

Nau ledo nisani ntopoparenta ri dunia, Alatala nompopaisanina ka kita, evamo nitulisi riara Buku Gasa, “Dopa nikita nu manusia, dopa niepe ntalingara, bo dopa muni nesua ri pekirira pura-pura belo nipakasadia nu Alatala ka tona nompotove Ia.” Yesaya 64:4

Roma 8:17

Bo ane kita mpuu-mpuu ana-ana nu Alatala, natantumo kita mantarima belo nipakasadia nu Alatala ka ana-anaNa. Kita muni mantarima pura-pura anu nipakasadia nu Alatala ka i Kristus, sabana ane kita nombarasai kasusa bo kapari mpo anu nirasaiNa, kita muni rapakaoge nasimbayu mpo Ia.

Ibrani 11:16

Tapi ira nalentoraka ngata anu nabelopa, haitumo ngata ri suruga. Jadi Alatala ledo naeya mataNa ane Ia niuli Tupura apa naria mami ngata nipakasadiaNa ka ira.

Kolose 1:24

Sampesuvu-sampesuvu, sii-sii nadamba raraku nombarasai susa bo pari nikavaku sabana yaku nokarajaa nantulungi komiu. Apa yaku nombadupai ri karoku susa bo pari nipakatantu i Kristus kana kurasai. Bo susa bo pari nirasaiku nanggeni belo ka todea topomparasaya. Pura-pura kita topomparasaya nirapaka karo i Kristus.

2 Korintus 1:7

Haitu sampe ledo nonggai rara kami nompekirika komiu, nisani kamimo komiu mpuu-mpuu nombatidamaka riara kasusa bo kapari. Apa nisani kami ane komiu nombarasai kasusa bo kapari nasimbayu mpo kami, tantu raramiu muni rapakaroso nu Alatala, nasimbayu mpo kami.

Matius 13:11

Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu, tapi ledo nipopaisaniNa ka todea.

Matius 20:24

Tempo sapulu anaguru i Yesus ntanina nangepe perapi roara randua, naraumo rarara.