Matius 20:21 - Kaili Ledo

²¹ Nekutana i Yesus, “Ina, nuapa nipodotamu?” Nesana totua mombine haitu, “Yaku madota ala anaku randua hitu monturo ri sinjoriMiu tempo Komiu momparenta eva Magau, saito ri sabingga njidiMiu bo saito ri sabingga ngganaMiu.”

Matius 20:21 Referans Kwoze

Matius 19:28

Nesana i Yesus ka ira, “Pariaramo tesaKu hitu. Yaku, Ana nu Manusia momparenta ante kuasa bara maipia tempo Alatala mompakabaru mpengaya-ngaya. Bo komiu topangoseaka Yaku momparenta mosanggani-nggani nte Yaku bo monturo ri sapulu randua gadera magau bo mombatangara todea Israel, haitumo muli nu sapulu randua ana i Israel.

Matius 18:1

Ri tempo haitu, anaguru i Yesus nakava nte Ia nompekutana, “Pue, isema naogepa riara Poparenta nu Alatala?”

Suro-Suro 1:6

Tempo suro-suro i Yesus nasiromu nosanggani nte Ia, nipekutanara, “Pue, nakavamo tempona rakabasakaMiu kita toYahudi lako ri balita ala kita mamala momparenta ngatata mboto?”

Markus 6:22

Ri posusa haitu ana i Herodias randaa nesua nolodi nabelo ri ngayora pura-pura. Randaa haitu mpuu-mpuu nompakadamba rara Magau Herodes bo toratana haitu. Jadi nangulimo i Herodes ka randaa haitu, <>

Matius 20:32

Bo netaamo i Yesus bo nombaronde ira. Nekutana Ia, “Nuapa rapokonomiu Kupovia ka komiu?”

Kolose 3:1

Namala raulita kita topomparasaya i Kristus nipakatuvu mpanjili nosanggani nte Ia, sabana Alatala nombadekei katuvu nabaru ka kita. Jadi, pasimbukumo manggava anu nipasadia nu Alatala ka kita ri suruga, apa hamai i Kristus nonturo ri panggana nu Alatala.

Roma 12:10

Posimpotovemo mpo posimpotove ntali sampesuvu. Bila ntanimo roamiu pade karomiu mboto.

Yohanes 15:7

Ane komiu maroo mosangu rara nte Yaku bo tesaKu maroo riara ntaimiu, perapimo nuapa-nuapa nipokonomiu bo radekei ka komiu.

Lukas 22:24

Pade anaguru i Yesus nosinjanaika isema ira naogepa.

Lukas 19:11

Tempo tona da nangepe tesa i Yesus pangane, nitesaNa sangupa porapa ka ira. Apa tempo haitu naparamo Ia ri ngata Yerusalem, bo nisarumaka ntodea masalisa mompamula Poparenta nu Alatala ri dunia, tano dopa.

Lukas 18:41

“Nuapa mupodota Kupovia ka iko?” Nesanamo toburo, “Pue, yaku madota mekita!”

Markus 10:51

Nekutanamo i Yesus, <> Nesana toburo haitu, <>

Roma 8:34

Isema mabia mompakasala kita? Ledo ntoto ria, sabana i Kristus namate mantolosi dosata. Bo ledo aga haitu, Ia nipakatuvu mpanjili bo nonturo ri panggana nu Alatala ri suruga, bo Iamo nanjaliku kita ri ngayo nu Alatala.

Markus 16:19

Naupu i Yesus notesa ivesia ka ira, neoremo Ia hau ri suruga bo nonturo ri sabingga nggana nu Alatala.

Matius 20:22

Tapi nanguli i Yesus ka anana, “Ledo nisanimiu nuapa niperapimiu. Rapakulemiu mombarasai pepandasa anu Kurasai?” Nesana ira, “Rapakule kami!”