Matius 20:17 - Kaili Ledo

¹⁷ Tempo haitu i Yesus bo anaguruNa hau ri ngata Yerusalem. Riara polipara nipokioNa sapulu randua anaguruNa masiromu nompatani lako ri todea bo niuliNa ka ira,

Matius 20:17 Referans Kwoze

Suro-Suro 10:41

Tapi ledo pura-pura tona nanggita Ia, aga kami nipelisi nu Alatala nokolu majadi sabi-sabiNa. Naliu i Yesus natuvu mpanjili, kami nangande bo nanginu nosanggani-nggani nte Ia.

Yohanes 15:15

Komiu domo Kuuli batua, sabana batua ledo nisanina nia nu madikana. Tapi hitupa komiu Kuuli vegaKu sabana pura-pura anu niepeKu lako nte TuamaKu, nitesaKu muni ka komiu.

Yohanes 12:12

Naeo mpadondo, todea anu nakava ri ngata Yerusalem mantuntuni posusa Paskah, niepera i Yesus makava ri ngata Yerusalem muni.

Matius 16:13

I Yesus bo anaguruNa hau ri bagia napara ngata Kaisarea Filipi. Nakava hamai, i Yesus nompekutana anaguruNa, “Nangoseaka panggava ntodea, isema Yaku, Ana nu Manusia?”

Matius 13:11

Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu, tapi ledo nipopaisaniNa ka todea.