Matius 2:6 - Kaili Ledo

⁶ ‘Iko, ngata Betlehem ri bagia Yudea, Nau ngata kodi, iko ngata nelabi nopoko ri panggita nu pakeni ntoYudea. Sabana lako nte iko kana meumba saito pakeni anu moevu todeaKu toIsrael.’ ” Mikha 5:2

Matius 2:6 Referans Kwoze

Yohanes 7:42

Apa riara Buku Gasa nitulisi Magau Topepakasalama meumba lako ri muli Magau Daud, bo makava lako ri ngata Betlehem ngata nipompoanaka Magau Daud.”

Pompakita 11:15

Naupu haitu malaeka kapapituna nompopomoni tabuena. Bo kaliu-liu nariamo suara-suara ri suruga nongare ante namangga mpuu ivei: “Sii-sii pura-pura poparenta ri dunia hitu najadi poparenta nTuputa bo poparenta nu Magau Topepakasalama anu nijanji nu Alatala. Ia momparenta sampe ri kasae-saena!”

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Kolose 1:18

Kita anu nomparasaya i Kristus namala rarapaka karoNa, bo i Kristus balenggata. Balenggata nompakasiayu karota, ivesia muni Ia nompakasiayu todea topomparasaya Ia. Bo Iamo nombadekei katuvu nabaru ka kita. Iamo Lumbua; batuana, Iamo anu paratama natuvu mpanjili lako ri kamatena. Sabana haitu pura-pura, Iamo naogepa pade pura-pura anu naria.

Matius 2:1

I Yesus nipoanaka ri ngata Betlehem ri bagia Yudea. Tempo haitu Magau Herodes noparenta. Naupu pompoanaka i Yesus, nakavamo topande nanggita betue. Ira nakava lako ri mpandakena hau ri ngata Yerusalem,

Efesus 1:22

Pura-pura anu naria nipopekou nu Alatala nte i Kristus. Bo nianggatakaNa i Kristus majadi Pakeni pura-pura anu naria, bo i Kristus nomparenta todea topomparasaya Ia. I Kristus nirapaka Balengga ntodea topomparasaya,

Yohanes 21:16

Bo nekutana i Yesus karongganina, “Simon, ana i Yohanes, nipotovemu mpuu Yaku?” Nesana i Petrus, “Iyo, nisaniMiu mboto, Pue, nipotoveku Komiu.” Nanguli i Yesus, “Ane ivesia, poevumo bimba-bimbaKu.”

Pompakita 7:17

Sabana, Ana Bimba anu naria ri sinjori Gadera Kamagaua nu Alatala haitu nompoevu ira. Ia nombanini ira hau ri mata uve anu nombadekei katuvua nabelo. Bo Alatala mboto nompaisi pura-pura uve mata lako ri matara mombaondopi ira.”