Matius 2:11 - Kaili Ledo

¹¹ Bo nesuamo ira riara nu banua bo nikitara ngana kodi haitu ante tinana i Maria. Bo nantaputumo ira nombasomba Ia. Naupu haitu nibukaramo peti pomboli kakalumanara, bo nidekeira ka Ia pedekei-pedekeira, haitumo bulava, bo rongaya lana dupa nasuli mpuu alina, haitumo kemenyan bo mur.

Matius 2:11 Referans Kwoze

Lukas 2:16

Ira nompari-mpari hau. Nikavara i Maria bo i Yusuf ante ngana nidulina riara potande kandea binata.

Matius 2:2

bo nekutanamo ira, “Ri umba Ia, anu majadi Magau ntoYahudi, anu dako nipoanaka? Nikita kami betueNa nebonda ri mpandakena bo kami nakava mombasomba Ia.”

Pompakita 19:10

Nangepe tesa haitupa, nantaputumo yaku sampe ri tana ri ngayo malaeka haitu mombasomba ia. Tapi nangulimo ia ka yaku, “Nemo! Nee rasomba yaku. Sombamo Alatala! Sabana yaku hii aga batua nu Alatala nasimbayu mpo iko bo nasimbayu mpo sampesuvumu sampomparasaya anu naroo nanggangisi pepatuduki nakana nipopaisani i Yesus. Apa pepatuduki nakana nipopaisani i Yesus, haitumo poko nu tesa ntona anu nompasimbayu tesa lako nte Alatala.”

Matius 14:33

Bo ana-anaguruNa riara sakaya haitu nantaputu nombasomba Ia. Nanguli ira, “Nakana mpuumo! Komiumo Ana nu Alatala!”

Pompakita 5:8

Tempo Ana Bimba nangala sura haitu, nantaputumo ampa Anu Natuvu, bo ropulu bo ampa totua ri ngayoNa mombasomba Ia. Ri palera saito-saito naria kacapi bo tubu bulava niisi dupa anu navangi mpuu. Dupa haitu nirapaka posambaya ntodea nu Alatala.

Lukas 2:38

Jadi tempo i Yesus nikeni ri Banua nu Alatala, eva nisuka, neonga muni i Hana, bo nikitanamo i Yesus. Jadi nitoiyana Alatala, bo nitesana Ngana haitu ka pura-pura tona nantongoraka tempona Alatala mombakabasaka toYerusalem lako ri balira.

Matius 1:18

Iveimo tesa pompoanaka i Yesus Kristus. TinaNa i Maria anu nijanji moberei ante langgai nosanga i Yusuf. Tapi dopame ira noberei, natianamo i Maria lako ri kuasa Nosa Gasa nu Alatala.

Matius 2:10

Tempo nikitara betue haitu, nadamba mpuumo rarara.

Matius 12:46

Tempo i Yesus da notesa-tesa ka todea haitu, nakavamo tinaNa bo sampesuvuNa. Ira neangga ri savalikuna madota motesa ante Ia.

Yohanes 19:39

I Yusuf niporoa i Nikodemus, anu nakava nanggita i Yesus tempo bara ipia bongi. I Nikodemus nanggeni galo rampa-rampa navangi nosanga mur bo gaharu, nitasere talu-pulu kilo kantamona.