Matius 19:17 - Kaili Ledo

¹⁷ Nesana i Yesus, “Nakuya tano iko nompekutana pokainggu tobelona nte Yaku? Aga Alatala nabelo, ledo ria ntanina. Ane iko madota manggava katuvua nabelo sampe ri kasae-saena, oseakamo parenta-parenta nu Alatala.”

Matius 19:17 Referans Kwoze

Roma 10:5

Nabi Musa notesa tona najadi nanoa ri panggita nu Alatala sabana nioseakara Atura agama. Niulina ivei: <> Imamat 18:5

1 Yohanes 4:16

Jadi haitumo sampe nisanita bo nisarumakata Alatala nompotove kita. Toramo! Alatala puna nu tove, jadi isema-sema nepotove, ia bate-batena natuvu nosangu rara ante Alatala, bo Alatala bate-batena natuvu riara ntaina.

Yakobus 1:17

Pura-pura pedekei nabelo, anu ledo ria galona nadaa, nakava lako nte Alatala ri suruga. Ia nompajadi pura-pura anu nareme ri langi. Vayo-vayo najadi lako ri reme haitu nasaro nabali, tapi Ia ledo nabali. Ia bate-batena nabelo.