Matius 19:14 - Kaili Ledo

¹⁴ Nanguli i Yesus ka ana-anaguruNa, “Palambakamo ngana-ngana gahitu makava nte Yaku. Nee ratagi ira. Apa aga tona nasimbayu ingguna eva ngana-ngana gahitu masipato majadi todea riara Poparenta nu Alatala.”

Matius 19:14 Referans Kwoze

Matius 18:3

bo nanguli, “Pariaramo tesaKu hitu! Ane komiu ledo mombabali inggumiu bo majadi nasimbayu eva ngana kodi hitu, komiu ledo majadi todea riara Poparenta nu Alatala.

1 Korintus 14:20

Sampesuvu-sampesuvuku, tumo mompekiri mpo ngana-ngana. Komiu kana manoto mpo tona nambasomo. Tapi ane anu daa, komiu kana masimbayu mpo ngana kodi anu dopa nisanina novia nadaa.

Markus 10:14

Nanggita haitu naraumo rara i Yesus sampe niulikaNa anaguruNa, <

Matius 11:25

Tempo haitu nosambayamo i Yesus. NiuliNa, “Tata, Komiumo Tupu nu langi bo tana. Yaku nosukuru nte Komiu sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande,

Matius 5:3

“Nabelo mpuumo tona nisanina ledo rapakulena mompakasalama karona mboto bo aga nanjarumaka Tupu, sabana iamo najadi todea riara Poparenta nu Alatala.

Matius 5:10

Nabelo mpuumo tona nipandasa sabana novia anu nanoa ri panggita nu Alatala. Iamo majadi todea riara Poparenta nu Alatala.

Matius 19:15

Bo nidikaNa paleNa ri balengga ngana-ngana gahaitu merapi belo ka ira. Naupu haitu nalaimo Ia lako ri sia.

Markus 10:15

Pariaramo tesaKu hitu! Isema-sema ledo natundu nte Alatala nasimbayu mpo ngana kodi natundu nte totuana, ia ledo mamala majadi todea riara Poparenta nu Alatala.>>