Matius 18:5 - Kaili Ledo

⁵ Bo isema-sema nantarima saito ngana kodi eva hitu sabana pomparasayana Yaku, nitarimana muni Yaku.

Matius 18:5 Referans Kwoze

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Galatia 4:14

Bo nau duaku haitu nompakasusa komiu, ledo ntoto narunggu raramiu bo ledo nipoaramiu yaku. Nitarimamiumo yaku, nitarimamiu mpo malaeka nu Alatala, atau mpo i Yesus Kristus mboto!

Yohanes 13:20

Pariaramo tesaKu hitu, isema-sema nantarima tona nituduKu, nitarimana muni Yaku. Bo isema-sema nantarima Yaku, nitarimana muni TuamaKu anu nantudu Yaku.”

Markus 9:37

<>

Lukas 9:48

bo niulikaNa ira, “Isema-sema nantarima ngana hitu sabana pomparasayana Yaku, nasimbayu mpo nitarimana muni Yaku. Bo isema-sema nantarima Yaku, nitarimana muni Alatala anu nantudu Yaku. Jadi isema-sema naede rarana, iamo nalangapa panggana ri panggita nu Alatala.”

Markus 9:41

Pariaramo tesaKu hitu! Isema-sema mombadekei uve inu ka komiu sabana komiu topangoseaka Yaku, ia kana manggava tambona bara maipia.>>

Matius 25:45

Bo Yaku mesana ka ira, ‘Pariaramo tesaKu hitu! Tempo komiu ledo nadota nantulungi sampesuvu-sampesuvuKu hitu anu naede panggana, batuana komiu ledo nadota nantulungi Yaku.’ ”

Matius 7:8

Apa isema-sema merapi, kana radekei ka ia. Isema-sema mompaelo kana rakavana. Bo isema-sema mantanede vamba, kana raungge ka ia.

Matius 18:4

Jadi tona anu mompakaede rarana bo majadi eva ngana kodi hitu, iamo naogepa riara Poparenta nu Alatala.

Matius 18:6

Tapi isema-sema mompakanavu saito ngana kodi anu nomparasaya Yaku sampe ia domo momparasaya, nabelopa ane sangu vatu mbaso rapantoesi ri tambolona bo ia rapakalodo rantasi nandala.