Matius 18:31 - Kaili Ledo

³¹ Nasusa mpuumo rara ntomaoge ntanina nanggita anu nipovia ntomaoge pangane ka roana. Jadi hau ira nte magau motesa ka ia pokainggu ntomaoge pangane.

Matius 18:31 Referans Kwoze

Roma 12:15

Ane roamiu madamba, komiu kana madamba mosanggani-nggani ante ia, bo ane roamu motumangi nabuku rarana, komiu kana motumangi mosanggani-nggani ante ia.

Ibrani 13:3

Toramo bo tulungimo tona nitarunggu evamo komiu mboto nitarunggu nosanggani-nggani ante ira. Bo toramo bo tulungimo tona nipakasusa sabana pomparasayara, evamo kasusamiu mboto.

Markus 3:5

Jadi i Yesus neili nangganoto tona ri sia. Narau mpuu raraNa tapi nabuku muni raraNa nanggita ira nakaa gaga bagara. Ledo ntoto naasi matara nanggita tona nakoyo palena. Bo nanguli Ia ka tona haitu, <> Niodo ntona haitu mpuumo palena, bo nabelomo.

Lukas 19:41

I Yesus naparamo nte ngata Yerusalem, sampe namala nikitaNa bo nitangisiNamo isi ngata haitu.

Lukas 14:21

Batua haitu nanjili manggeni tesara ka tupu nu posusa. Narau mpuu rara ntupu posusa, bo niulikana batuana pangane, ‘Koimo masalisa hau ri ngata, ri dala mbaso bo dala kodi, bo keni tumai tona napakasi, tona nakeru, tona naburo bo tona napunggu!’

Ibrani 13:17

Oseakamo parenta-parenta nu pakeni-pakenimiu bo pekoumo nte ira, sabana iramo nombajagai pomparasayamiu. Makava tempona bara maipia ira kana manguli pakalanto ri ngayo nu Alatala berimbana komiu nikeniakara. Jadi pekoumo nte ira ala ira mamala mantui pokarajaa haitu ante damba nu rara. Ane komiu ledo mekou, aga masusa rarara bo haitu ledo manggeni belo ka komiu.

2 Korintus 11:21

Ledo naeya mata kami nanguli kami ledo mabia mokainggu ivesia nte komiu! Tapi ane maria tona mabia mangoe karora mboto, yaku muni mabia mangoe karoku mboto! Yaku notesa mpo todoyo!

Matius 14:9

Nangepe perapi haitu, nasusa mpuumo rara i Herodes. Tapi naupa ivesia, nituduna tona novia anu niperapi nu randaa pangane, sabana ia nojanji bo nosumpa ri ngayo ntoposusa.

Matius 18:28

Tempo tomaoge haitu nesuvu ri savalikuna, ia nosintomu ante roana anu noinda sakide nte ia. Nikojenamo tambolo roana haitu bo nanguli, ‘Bayari puramo indamu nte yaku!’

Matius 18:30

Tapi ledo nadota tomaoge mangepe perapi roana. Ia aga nombasuaraka roana riara ntarunggu sampe pura-pura indana haitu rabayarina.

Matius 18:32

Nangepe pangadu haitu, magau nompokio tomaoge anu nadaa poviana bo nanguli, ‘Iko nadaa mpuu! Pura-pura indamu nadea ntoto haitu nilalisikumo sabana iko nerapi nte yaku.