Matius 18:22 - Kaili Ledo

²² Nesana i Yesus, “Ledo aga pitu-nggani, tapi sampe moatu-atu nggani!

Matius 18:22 Referans Kwoze

Kolose 3:13

Nee raboli riara tesa nu roa. Ane maria kodi raramiu, posiampungimo. Ampungimo tona movia sala nte komiu ante mpuu-mpuu raramiu, nasimbayu mpo i Pue nombaampungi dosamiu.

Markus 11:25

Bo ane komiu mosambaya, ampungi ntani tona novia sala nte komiu, ala komiu muni raampungi nTuamamiu ri suruga.

Efesus 4:31

Pakalipomo pura-pura dua rara. Nee magigi rara bo nee momboli rau rara. Nee mosipongare-ngare mosipakadaaka tesa bo nee mositunturaka. Nee mavuu matamiu nte roa.

Roma 12:21

Nee rabalasi pokainggu ntona nadaa ante pokainggu nadaa. Ane ivesia, nidagimo kita, nidagi nu daa. Aginamo pokainggu nadaa rabalasi ante pokainggu nabelo, ala belota mombadagi anu nadaa.

Efesus 4:26

Ane marau komiu, nee sampe rau raramiu mompakanavu komiu riara dosa. Nee mombaboli rau rara sampe masolo eo,

1 Timotius 2:8

Dotaku ala ri umba-umba topomparasaya nasiromu mombasomba Alatala, langgai mosambaya ante rara nagasa. Ledo masipato mosambaya ane narau rara atau nosinjanai.

Matius 18:23

NiuliKu ivesia, sabana Poparenta nu Alatala namala rarapaka ivei: Naria saito magau anu madota momparesa doi nipake nu tomaoge.