Matius 18:15 - Kaili Ledo

¹⁵ “Ane sampesuvumiu sampomparasaya movia dosa nte komiu, koi hau nte ia bo uli ka ia salana. Tapi potesa nggalinomo ruru komiu randua. Ane ratarimana tesamiu, mabelo mpanjili posampesuvumiu.

Matius 18:15 Referans Kwoze

Kolose 3:13

Nee raboli riara tesa nu roa. Ane maria kodi raramiu, posiampungimo. Ampungimo tona movia sala nte komiu ante mpuu-mpuu raramiu, nasimbayu mpo i Pue nombaampungi dosamiu.

Galatia 6:1

Sampesuvu-sampesuvu, ane rakavamiu roamiu sampomparasaya novia dosa, komiu anu natuvu nangoseaka Nosa Gasa nu Alatala kana manggeni ia manjili ri dala nakana. Tapi tesamiu ledo mamala makasara, kana malusu raramiu motesa ka ia. Bo pakabelo-belo! Nee sampe komiu mboto manavu riara dosa!

2 Tesalonika 3:15

Tapi nee mavuu matamiu nte ira. Popaingamo ira, apa ira sampesuvumiu sampomparasaya.

Matius 18:35

I Yesus nompakaupu porapaNa bo nanguli, “Ivesia muni TuamaKu ri suruga movia ka komiu ane ledo raampungimiu sampesuvumiu ante mpuu-mpuu raramiu!”

Roma 12:21

Nee rabalasi pokainggu ntona nadaa ante pokainggu nadaa. Ane ivesia, nidagimo kita, nidagi nu daa. Aginamo pokainggu nadaa rabalasi ante pokainggu nabelo, ala belota mombadagi anu nadaa.

1 Petrus 3:1

Ivesia muni komiu totua-totua mombine kana mekou nte bereimiu langgai. Apa ane bereimiu ledo nomparasaya tesa nu Alatala, pekoumiu haitu mamala mompakeni ia momparasaya. Ledo paraluu raulimiu nuapa-nuapa ka ia,

1 Korintus 8:12

Pokainggumiu ante sampesuvumiu haitu nasala sabana pokainggumiu nanggeni ia novia anu nirasaina nadosa sabana pomparasayana dopa naroso. Bo pokainggumiu haitu nadosa ri panggita i Kristus.

2 Korintus 7:12

Jadi patujuku notulisi sura haitu bara ipia, ledo aga mompakasala tona novia sala atau manjaliku tona nipakadaana. Alatalamo sabiku! Patujuku notulisi sura haitu, ala malanto ka komiu mboto tovemiu nte kami nambaso mpuu.

1 Tesalonika 4:6

Nee movia dosa ka sampesuvumiu sampomparasaya bo nee rabagiu ia ante mangala bereina, sabana Alatala mombahuku pura-pura tona nokainggu ivehaitu. Haitu pura-pura nipatuduki bo nipopatora kami ka komiu bara ipia.

Matius 18:14

Ivesia muni Tuamamiu ri suruga. Ia ledo madota saitoa lako ri ngana kodi hitu malipo pomparasayana.”

Matius 18:21

Naupu haitu nakava i Petrus nompekutana nte i Yesus, “Pue, ane maria sampesuvuku sampomparasaya ledo naupu-upu madaa nte yaku, sampe sako-nggani ntoto yaku kana mombaampungi ia? Bara sampe pitu-nggani?”

Titus 3:10

Ane maria tona nompoposibali todea topomparasaya, kana musalaraka ia sanggani, bara ronggani. Ane rongganimo ia nisalarakamu bo ledo nepangala, tumo mosimporoa nte ia.