Matius 17:3 - Kaili Ledo

³ Sampesanika nikita nu anaguru i Yesus haitu randua nabi nggaulu notesa nte i Yesus. Nabi randua haitu i Musa bo i Elia.

Matius 17:3 Referans Kwoze

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Markus 9:4

Nikitara muni Nabi Elia bo Nabi Musa notesa-tesa nte i Yesus.

Lukas 24:27

I Yesus nombatesa ka ira pura-pura anu nitulisi ri Buku Gasa, anu nombaboto karoNa mboto, nompamula lako ri buku-buku nitulisi Nabi Musa sampe ri buku-buku nabi ntanina.

Lukas 16:16

Atura-atura agama nidekei Nabi Musa ka kita, bo pepatuduki nu nabi-nabi ntanina rapake sampe peonga i Yohanes Topediu. Nompamula lako ri tempo i Yohanes haitu, Kareba Belo anu notesa Poparenta nu Alatala, nipatolele njuu. Bo tona nompasimbuku mpuu majadi todea nu Alatala.

Lukas 9:33

Tempo tona randua haitu mompalaisi i Yesus, nangulimo i Petrus, “Guru, nasana mpuu kita ri sii. Agina kami movia tatalu sou ri sii, sangu ka Komiu, sangu ka Nabi Musa bo sangu ka Nabi Elia.” Ledo nisani i Petrus batua nu tesa nisovadakana.

Lukas 1:17

Ia majadi suro nu Alatala, naroso bo nakuasa mpo Nabi Elia nggaulu. Ia mompoposinggabelo ana-ana nte tuamara bo tona ledo nangoseaka Alatala rakenina mpanjili ri dala nakana. Pura-pura anu pangane rapoviana ala mompakasadia rara ntodea mantarima Alatala.”

Yohanes 1:17

Lako nte Nabi Musa nitarimata Atura-atura agama. Tapi lako nte i Yesus Kristus sampe mpuu-mpuu nisanita Alatala bo toveNa ka kita.

Matius 17:2

Tempo ira hamai, nabalimo lenje i Yesus ri ngayora. LenjeNa nareme mpuu eva kareme nu mata eo, bo bajuNa nabula damo nenggila.

Matius 17:4

Nanggita haitu, i Petrus nanguli ka i Yesus, “Pue, nabelo mpuu kita naria ri sii. Ane madota Komiu, kupovia tatalu sou ri sii, sangu ka Komiu, sangu ka i Musa bo sangu ka i Elia.”