Matius 17:26 - Kaili Ledo

²⁶ Nesana i Petrus, “Tantu tupu ngata anu nidagina masipato mombabayari.” Nanguli i Yesus, “Ane ivesia, todeana mboto ledo paraluu mombabayari balasitee haitu. Ivesia muni kita anu najadi todea nu Alatala ledo paraluu mombabayari balasitee ka Banua nu Alatala.

Matius 17:26 Referans Kwoze

Matius 17:25

Nesana i Petrus, “Iyo, nibayariNa.” Naupu haitu nanjilimo i Petrus hau ri banua niponturora. Nakava hamai, dopame ia notesa nuapa-nuapa nekutanamo i Yesus, “Simon, berimba panggavamu? Isema kakanana masipato mombabayari balasitee ka magau-magau ri dunia hitu? Todeana mboto atau tupu ngata ntanina anu nidagina?”

Matius 17:27

Tapi nau ivesia, nee kita mompakakodi rara ntona haitu. Agina komiu hau momeka ri rano. Alamo bau pamulana ramekamiu. Riara ngangana mukava sampeka doi anu magana rapombayari balasiteeta randua. Kenimo doi haitu bo bayarimo balasiteeta ka Banua nu Alatala.”

Lukas 9:50

Tapi nanguli i Yesus ka ia, “Nee ratagimiu ia, sabana isema-sema ledo nangeva komiu, ia nosabingga ka komiu.”

Lukas 16:8

Tempo tona nakalumana haitu nangepe anu nipovia ntopompasiayu ledo nanoa haitu, nitoiyanamo topompasiayu haitu sabana natau noakala mangelo katuvu mabelo. Apa tona ledo nosisani nte Alatala natau nompasiayu katuvura nte roara. Nataupa ira pade tona natuvu ri reme nTupu nompasiayu katuvura ka tempo makava.

1 Tesalonika 5:22

Petalilikamo pura-pura pokainggu nadaa.