Matius 17:20 - Kaili Ledo

²⁰ Nesana i Yesus, “Sabana nakura pomparasayamiu. Pariaramo tesaKu hitu. Nau pomparasayamiu aga nakodi eva batu mandoe, mamala komiu mangulika bulu moitu, ‘Polinja haumo!’ bo bulu moitu molinja mpuu. Ledo ria sangaya anu ledo mamala rapoviamiu.

Matius 17:20 Referans Kwoze

Lukas 17:6

Nesana i Yesus, “Ane rapana pomparasayamiu masimbayu kambasona mpo batu nu mandoe, mamala raulimiu ka kayu mbaso hitu, ‘Kaubimo! Koi polinja hau rantasi.’ Natantu kayu haitu molinja mpuu.”

Markus 11:23

Pariaramo tesaKu hitu: mamala komiu manguli ka bulu hitu, Bo anu haitu mpuu-mpuu rapovia ka komiu, asaa raparasayamiu anu niulimiu haitu majadi mpuu bo ledo morompenga pekirimiu.

Lukas 18:27

Nanguli i Yesus, “Anu ledo rapakule nu manusia nipakule nu Alatala.”

Lukas 1:37

Pura-pura anu niuliku ka iko kana majadi, apa ledo ria tesa nu Alatala ledo madupa.”

Matius 21:21

Nesana i Yesus, “Pariaramo tesaKu hitu. Ane komiu momparasaya, bo ledo molengga-lengga raramiu, komiu muni mamala movia anu nipoviaKu ka kayu haitu. Bo ledo aga ivesia, komiu mamala mangulika bulu hitu, ‘Kateunggatakamo! Katedaka rantasi!’, bo majadi mpuu.

Markus 9:23

Nangulimo i Yesus ka ia, <>

1 Korintus 13:2

Bo ane kupakule mompasimbayu tesa-tesa nitarimaku lako nte Alatala, bo ane kusani mpengaya-ngaya anu nitabuniaka bo kusani muni mpengaya-ngaya pangisani ntanina, bo pomparasayaku maroso mpuu sampe yaku mamala mantudu bulu molinja, tapi ane ledo kupotove tona ntanina, katuvuku ledo ntoto ria gunana.

Matius 13:31

Pade naria porapa ntanina nitesa i Yesus ka todea ivei: “Poparenta nu Alatala namala nirapaka batu mandoe anu niala ntona bo nitudana ri taluana.

Yohanes 11:40

Nanguli i Yesus ka i Marta, “Nuapa niuliKu ka iko pangane? Ane muparasaya, mukita kaoge kuasa nu Alatala!”

Markus 4:31

Poparenta nu Alatala namala nirapaka batu mandoe, anu nakodi ntoto.

Ibrani 3:19

Jadi, nalantomo ka kita ira ledo namala nenonto nosanggani-nggani nte Alatala sabana ira ledo nomparasaya.

Matius 17:17

Nanguli i Yesus ka pura-pura tona hamai, “Natantu mpuu komiu natuvu sii-sii! Komiu nesapuaka mpuu bo ledo nomparasaya! Sakuyapa kasaena Yaku kana mosanggani-nggani ante komiu bo mosabara nte komiu pade raparasayamiu! Kenimo tumai ngana tutu!”

1 Korintus 12:9

Tona ntanina nidekeika nu Nosa Gasa pompakule momparasaya i Yesus nelabi pade biasa. Bo tona ntanina nidekeika nu Nosa Gasa kuasa mompakabelo dua-dua ntona. Bo haitu pura-pura lako nte Nosa Gasa pangane.

Matius 17:9

Notua lako ri buluna haitu, i Yesus nombatagi ira, “Ane Yaku, Ana nu Manusia dopa rapakatuvu mpanjili lako ri kamateKu, nepa ratesamiu ruru ka tona anu dako nikitamiu pangane.”

Matius 8:26

Nangulimo i Yesus ka ira, “Nakuya komiu naeka? Nakura mpuu pomparasayamiu!” Naupu haitu neangga Ia nombatudu poiri bo balumba mbaso metaa. Bo kaliu-liu netaa mpuumo poiri bo nalinomo uve.

Matius 17:19

Naliu haitu, ana-anaguru nanggaparai i Yesus tempo ira domo ri tatanga ntodea, bo nekutana, “Guru, nuapa sabana ledo nipakule kami nompopalai seta pangane?”

Markus 11:22

Nangulimo i Yesus, <

Matius 14:29

Nesanamo i Yesus, “Kamaimo!” Jadi nanaumo i Petrus lako riara sakaya, bo nolipamo ia ri bavo nu uve manggaparai i Yesus.