Matius 16:3 - Kaili Ledo

³ Bo ane kabobayana langi nalei bo ravana nakulimu, komiu nanguli ‘Maudamo ngena.’ Natau komiu nombatasere ravana tapi ledo natau komiu nombatasere tanda-tanda nipokumaaka anu nipovia nu Alatala sii-sii.

Matius 16:3 Referans Kwoze

Lukas 12:56

Komiu aga tobelo ri sumba! Komiu natau nantasere ravana bo nompetandaina. Nakuya ledo nisanimiu anu nipovia nu Alatala sii-sii?”

Lukas 13:15

Nangepe tesa haitu, nangulimo i Yesus, “Komiu aga tobelo ri sumba! Ri eo penonto pura-pura komiu nombakabasaka japimiu, bara jaramiu, bo nikenimiu rapopainu.

Matius 11:5

tona naburo nekita, tona napunggu nolipamo, tona nadua oge nipakabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Lukas 11:44

Mandasa mpuu komiu! Komiu nasimbayu mpo dayo ledo naria tandana. Tona nojeje dayo haitu tapi ledo nisanira naria anu naruto riarana. Komiu nabelo ri savalikuna tapi rara ntaimiu nadaa.”

Matius 23:13

Tapi mandasa mpuumo komiu guru-guru agama bo toFarisi! Komiu aga nabelo ri sumba tapi nadaa riara. Komiu nombalava tona ntanina majadi todea riara Poparenta nu Alatala. Komiu mboto ledo madota raparenta nu Alatala bo ledo nidekeimiu tona ntanina anu madota raparentaNa.

Matius 22:18

Tapi nisani i Yesusmo patujura nadaa. Haitu sampe niuliNa, “Komiu tobelo ri sumba! Nakuya komiu nompasimbuku mombaopa tesaKu?

Matius 15:7

Komiu tano aga tona nabelo ri sumba! Nakana ntotomo Tesa nu Alatala anu nipasimbayu Nabi Yesaya nggaulu ivei:

Matius 7:5

Komiu aga tobelo ri sumba! Lelaka ntani ruru baloti lako ri matamiu mboto ala matamiu malanto mekita bo komiu mamala mombalelaka garupu ri mata nu roa.”

Matius 4:23

I Yesus hau nompebutu ngata ri bagia Galilea. Ri ngata-ngata haitu Ia nompatuduki tona ri banua-banua petupu ntoYahudi bo nipatoleleNa Kareba Belo, anu notesaki Poparenta nu Alatala. Bo nipakabeloNa tona nadua mpengaya-ngaya.

Ibrani 5:14

Tapi kandea nakaa aga nikande ntona nambasomo, haitumo tona nipakabiasamo karona mompoposisala anu nabelo bo anu nadaa.