Matius 16:24 - Kaili Ledo

²⁴ Naupu sia pade niulikaNa ana-anaguruNa, “Isema-sema madota mangoseaka Yaku, ia kana mombakabasaka dotana mboto bo mpuu-mpuu mangoseaka Yaku. Ia kana majadi nasimbayu eva tona nanjimbuaka kayu salibna, haitumo, ia kana masadia rapandasa nau ia rapatesi sabana nangoseaka Yaku.

Matius 16:24 Referans Kwoze

Matius 10:38

Bo tona ledo nanjimbuaka kayu salibna bo nangoseaka Yaku, ia ledo masipato rauli topangoseaka Yaku.

Lukas 14:27

Isema-sema ledo madota manjimbuaka kayu salibna bo mangoseaka Yaku, ledo mamala majadi topangoseaka Yaku.

Markus 10:21

Naasi mata i Yesus nangganoto tona haitu bo niuliNa, <>

2 Timotius 3:12

Pura-pura tona anu madota matuvu mangoseaka dota nu Alatala bo matuvu mosangu rara ante i Yesus Kristus, tantu rapandasa.

Markus 8:34

Naliu haitu, nirondeNamo todea bo anaguruNa bo niulikaNa, <

Suro-Suro 14:22

Ri ngata-ngata haitu ira nompakaroso rara ntopangoseaka i Yesus bo nompopatora ira nee molengga-lengga momparasaya. Niulira, “Kita kana mombarasai kasusa bo kapari ruru pade mamala kita mombarasai kasana ri Poparenta nu Alatala.”

Kolose 1:24

Sampesuvu-sampesuvu, sii-sii nadamba raraku nombarasai susa bo pari nikavaku sabana yaku nokarajaa nantulungi komiu. Apa yaku nombadupai ri karoku susa bo pari nipakatantu i Kristus kana kurasai. Bo susa bo pari nirasaiku nanggeni belo ka todea topomparasaya. Pura-pura kita topomparasaya nirapaka karo i Kristus.

Yohanes 19:17

Nesuvumo Ia lako ri ngata haitu bo nisimbuakaNa mboto kayu salibNa hau ri ponturo niuli “Bulu Banga Balengga.” Riara basa Ibrani sangana “Golgota.”

1 Tesalonika 3:3

ala ledo maria saitoa komiu moura momparasaya sabana nipandasa. Kakanana nisanimiumo kita topomparasaya kana rapandasa, apa ivesia nipakatantu nu Alatala ka kita.

Matius 27:32

Ri tatanga dala tantara-tantara nosintomuka saito langgai lako ri ngata Kirene anu nosanga i Simon. Ia nibarusura manjimbuaka kayu salib i Yesus.

Markus 15:21

Ri tatanga dala, nibarusuramo saito tona nosanga i Simon mombasimbuaka kayu salib i Yesus. I Simon haitu tuama i Aleksander bo i Rufus lako ri ngata Kirene, bo tempo haitu ia da ri polipana hau ri ngata Yerusalem.

Lukas 23:26

Naupu haitu nikenira i Yesus hau rapatesira. Ri tatanga dala, nipotomuramo saito toKirene nosanga i Simon. Ia dako nakava ri kota Yerusalem. Nipopetaara ia bo nibarusura manjimbuaka kayu salib i Yesus ri puriNa.

Yohanes 21:19

Ante jalili haitu i Yesus nompopaisani dala nggamate i Petrus bara maipiapa, anu mompopakita kaoge nu Alatala. Naupu haitu nangulimo i Yesus ka i Petrus, “Nee menonto mangoseaka Yaku!”

Yohanes 21:22

Nesana i Yesus, “Ane rapana Yaku madota ia matuvu sampe Yaku makava mpanjili ri dunia hitu, haitu ledo paraluu musani. Tapi iko, nee menonto mangoseaka Yaku!”

1 Petrus 2:21

Alatala nompokio komiu mosabara riara kasusa, nau komiu ledo nasala. Apa i Kristus nombarasai kasusa ala manggeni belo ka komiu, bo nidekeiNa jonjo ka komiu ala komiu mompasiala pokaingguNa.