Matius 16:13 - Kaili Ledo

¹³ I Yesus bo anaguruNa hau ri bagia napara ngata Kaisarea Filipi. Nakava hamai, i Yesus nompekutana anaguruNa, “Nangoseaka panggava ntodea, isema Yaku, Ana nu Manusia?”

Matius 16:13 Referans Kwoze

Yohanes 5:27

Bo nidekeiNa muni kuasa ka Yaku mombatangara manusia sabana Yakumo tona niuli Ana nu Manusia.

Matius 9:6

Tapi Kupopakita ka komiu Yaku, Ana nu Manusia, nakuasa ri dunia hitu nombaampungi dosa nu manusia.” Jadi nituduNa topunggu haitu, “Peanggamo! Anggataka ompa paturumu bo panjilimo!”

Matius 13:37

Nesana i Yesus, “Yaku, Ana nu Manusia, nirapaka toposavu pae tobelona.

Matius 8:20

Nesana i Yesus, “Asulaku naria bolona rapaturuna bo tonji naria jumuna, tapi Yaku, Ana nu Manusia, ledo ria ponturoKu natantu Kupaturu.”

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Suro-Suro 7:56

Nanguli i Stefanus, “Peintamo! Nikitaku langi natebuka bo i Yesus, Ana nu Manusia neangga ri sabingga nggana nu Alatala ri suruga!”

Yohanes 12:34

Bo nanguli todea ka Ia, “Lako ri Buku Atura Agama, nisanita Magau Topepakasalama anu nijanji nu Alatala kana matuvu sampe ri kasae-saena. Jadi berimba sampe niuliMiu Ana nu Manusia kana mamate raanggataka pakalanga ri tinja? Isema Ana nu Manusia haitu?”

Markus 10:45

Sabana nau Yaku, Ana nu Manusia, ledo nakava ratande ntona tapi ala mantulungi tona bo mombadekei karoKu rapatesi mantolo dosa ntodea.>>

Markus 8:38

Isema-sema maeya matana manguli ia topangoseaka Yaku bo maeya matana nte pepatudukiKu ri tatanga ntodea anu nadosa bo ledo natutu nangoseaka Alatala, Yaku muni maeya mataKu manguli ia topangoseaka Yaku tempo Yaku makava mpanjili. Apa Yaku, Ana nu Manusia, makava mpanjili ri dunia hitu ante reme bo kuasa nTuamaKu, mosanggani-nggani ante malaeka-malaeka nagasa!>>

Matius 25:31

“Tempo Yaku, Ana nu Manusia makava mpanjili ri dunia ante reme bo kuasaKu, nosanggani-nggani ante malaeka-malaekaKu, Yaku monturo ri Gadera PoparentaKu mombatangara mpo Magau.

Matius 15:21

Naliu haitu, i Yesus nompalaisi ponturo haitu bo hau ri bagia napara ngata Tirus bo ngata Sidon.

Matius 13:41

Yaku, Ana nu Manusia mombatudu malaeka-malaekaKu hau nte todea ri PoparentaKu mompasiromu pura-pura tona anu nompakanavu roa riara dosa bo pura-pura tona ntanina anu novia nadaa.

Matius 12:32

Isema-sema nombasalai Yaku, Ana nu Manusia mamala raampungi. Tapi isema-sema mombasalai Nosa Gasa nu Alatala, ledo ntoto raampungi, lako ri eo hitu sampe ri kasae-saena.

Yohanes 3:14

Nabi Musa nggaulu novia sanggayu ule tambaga ri karava bai bo nianggatakana pakalanga ri tinja sambesa ala isema-sema mantingoa ule haitu ledo mamate. Yaku, Ana nu Manusia kana raanggataka pakalanga, nasimbayu mpo ule haitu,

Yohanes 1:51

Bo niuli i Yesus ka pura-pura ira, “Pariaramo tesaKu hitu, rakitamiu langi matebuka bo malaeka-malaeka nu Alatala manau bo mompene ri ngayoKu, Ana nu Manusia.”

Matius 12:40

Talu-mbongi bo talu-eo kasaena Nabi Yunus riara ntai bau mbaso. Ivesia muni Yaku, Ana nu Manusia, kana riara dayo talu-mbongi talu-eo kasaena.

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Matius 16:28

Pariaramo tesaKu hitu! Naria bara sako-ndua komiu ri sii ledo mamate ane dopa rakitara Yaku, Ana nu Manusia, makava ri dunia hitu eva Magau.”