Matius 15:37 - Kaili Ledo

³⁷ Pura-pura tona haitu nangande sampe nabosu. Naupu ira nangande, anaguru i Yesus nompasiromu labina nikande ntodea pangane, pitu-tonda ponupa kadeana.

Matius 15:37 Referans Kwoze

Lukas 1:53

Tona naara, nipakabosuNa sampe nabasa ante mpengaya anu nabelo. Bo tona nakalumana nipopalaiNa ante pale boa.

Matius 15:33

Nesana anaguruNa, “Lako ri umba rapanggavata kandea magana radekeita ka tona damo nadea eva hitu? Bo ponturo hitu muni nakalinoa.”

Matius 15:38

Langgai nangande tempo haitu pata-njobu kadeana, ledo nibila mombine bo ngana-ngana.

Suro-Suro 9:25

Jadi naria sambongi topangoseaka i Saulus nombadika i Saulus riara karanji mbaso, bo niulura ia lako ri bavo nu tembo ngata haitu hau ri savaliku nu ngata, ala mamala malai lako ri tona madota mompatesi ia.