Matius 15:32 - Kaili Ledo

³² Naliutaka haitu i Yesus nompokio ana-anaguruNa bo nanguli ka ira, “Naasi mpuumo mataKu nanggita todea hitu, apa talu-eomo kasaena ira nosanggani-nggani ante Yaku bo sii-sii domo naria kandeara. Ledo madota Yaku mantudu ira manjili ante ara ntai. Nee-nee ira maleto ri dala.”

Matius 15:32 Referans Kwoze

Matius 9:36

Nanggita todea, naasi mpuumo mataNa, sabana nasesamo ira bo ledo ria tona nantulungi ira, nasimbayu eva bimba ledo ria topoevuna.

Suro-Suro 27:33

Napara naeo, nitudu i Paulusmo pura-pura tona mangande. Niulina, “Sapulu pata-mbongimo kasaena komiu aga nompopea-pea, ledo nangande nuapa-nuapa!

Ibrani 4:15

Ia Pakeni nTopanggeni Pesomba anu nangisani kalenteta, sabana Ia mboto nombarasai mpengaya pesori nasimbayu mpo kita, tapi Ia ledo novia dosa.

Lukas 7:13

Tempo i Yesus nanggita ia, naasi mpuumo mataNa. NiulikaNa, “Nee motumangi, Ina.”

Markus 9:22

Nadea ngganimo ia nipakadungga nu seta haitu riara apu atau ri uve ala ia mamate. Ane rapakuleMiu mompakabelo duana, poasimo kami! Tulungimo kami!>>

Matius 27:63

Nakava hamai, nanguli ira, “Pua, nitora kami tesa ntopebagiu haitu tempo Ia da natuvu. NiuliNa, ‘Maliu talu-mbongi Yaku matuvu mpanjili.’

Matius 20:34

Naasi mpuu mata i Yesus nanggita ira, jadi nituiNa matara bo kaliu-liu namalamo nekita. Bo hau ira randua nantuntuni i Yesus.

Matius 12:40

Talu-mbongi bo talu-eo kasaena Nabi Yunus riara ntai bau mbaso. Ivesia muni Yaku, Ana nu Manusia, kana riara dayo talu-mbongi talu-eo kasaena.

Matius 14:13

Tempo i Yesus nangepe kareba i Herodes nangelo Ia, nipalaisiNa ponturo haitu. NipesaviNa sakaya bo hau saitoNa ri ponturo kalinona. Tapi niepe ntodea nalaimo i Yesus, ira muni nompalaisi ngata-ngatara bo hau nolipa ri kabatana mantuntuni Ia.

Matius 15:33

Nesana anaguruNa, “Lako ri umba rapanggavata kandea magana radekeita ka tona damo nadea eva hitu? Bo ponturo hitu muni nakalinoa.”