Matius 15:29 - Kaili Ledo

²⁹ Naupu haitu nalaimo i Yesus lako ri ponturo haitu, bo hau noliu ri tinggi Rano Galilea. Bo nantendemo Ia hau ri bulu bo nonturo ri sia.

Matius 15:29 Referans Kwoze

Matius 4:18

Naria sanggani i Yesus nolipa ri tinggi Rano Galilea. NikitaNa hamai randua tona ntali sampesuvu, haitumo i Simon, anu nidae i Petrus, ante tueina i Andreas. Tempo haitu ira nantendeaka jala mompemala bau ri rano haitu sabana ira topebau mami.

Yohanes 6:1

Naliu haitu, i Yesus hau nevote Rano Galilea, anu niuli muni Rano Tiberias.

Matius 5:1

Tempo i Yesus nanggita todea haitu, nantendemo Ia hau ri bulu. Nonturopa Ia ri sia, nakavamo topangoseaka Ia.

Yohanes 21:1

Naupu haitu, i Yesus nompopakita karoNa sangganipa ka anaguruNa ri bivi Rano Galilea. Iveimo tesana.

Yohanes 6:23

Naupu sia, nakavamo bara sakuya sakaya ntanina lako ri ngata Tiberias nesampo napara ponturo ntodea nangande roti naupu i Yesus nanguli tarima kasi nte Alatala.

Lukas 5:1

Naria sanggani i Yesus neangga nompaguru ri tinggi Rano Genesaret. Nadea tona nosiaso madota mangepe tesa nu Alatala.

Markus 1:16

Tempo i Yesus noliu ri tinggi Rano Galilea, nikitaNa i Simon ante tueina i Andreas nombatendeaka jala mompemala bau ri rano haitu, apa ira topebau mami.

Matius 13:2

Mpalunu-lunu tona nakava nantagui Ia sampe Ia hau nesavi sakaya bo nonturo riarana, bo todea neangga ri talinti.