Matius 15:28 - Kaili Ledo

²⁸ Naupu haitu nanguli i Yesus, “Ina, naroso mpuu pomparasayamu! Jadi, kajadimo anu niperapimu tutu!” Bo eva nisuka, tempo haitu muni nabelo mpanjilimo anana mombine haitu.

Matius 15:28 Referans Kwoze

Matius 8:13

Bo i Yesus nanguli ka balengga ntantara haitu, “Panjilimo. Mabelomo batuamu eva anu niparasayamu majadi.” Bo eva nisuka, nabelomo batuana.

Markus 5:34

Nangepe haitu, nangulimo i Yesus, <>

Matius 9:22

Neilimo i Yesus nompeinta mombine haitu. Bo niuliNa ka ia, “Anaku, pakaroso raramu! Mabelomo iko sabana iko nomparasaya.” Bo eva nisuka, nabelo mpuumo mombine haitu.

Matius 8:10

Nangepe tesana haitu, nokumaamo i Yesus, bo niuliNa ka todea anu nantuntuni Ia, “Natantu mpuu pomparasaya ntona hitu! Nau todea toYahudi, muli Israel, dopa ria nikavaKu pomparasaya ntona naroso eva pomparasaya ntona hitu!

Lukas 17:5

Pade nanguli anaguruNa, “Pue, pakaroso pomparasaya kami.”

Lukas 7:50

Tapi i Yesus nanguli ka mombine haitu, “Iko nipakasalama sabana iko nomparasaya Yaku. Panjilimo, damo Alatala mompakatinonto raramu!”

Lukas 7:9

Nokumaa mpuu i Yesus nangepe tesa nu balengga ntantara haitu. Jadi neili Ia bo nangulika todea nangoseaka Ia, “Natantu mpuu pomparasaya ntona hitu! Nau todea toYahudi, muli i Israel, dopa ria nikavaKu pomparasayana naroso mpo pomparasaya ntona hitu.”

2 Tesalonika 1:3

Sampesuvu-sampesuvu, kami kana masaro motarima kasi nte Alatala sabana komiu. Kami masipato motarima kasi sabana pomparasayamiu nte i Yesus nantambai karosona, bo nantambai posimpotovemiu.

Matius 14:31

Jadi kaliu-liu niodo i Yesus paleNa mombasaka i Petrus. Bo niuliNa ka i Petrus, “Nakura mpuu pomparasayamu! Nakuya iko nolengga-lengga?”

Matius 15:27

Nanguli mombine haitu, “Nakana niuliMiu, Pue. Tapi asu muni nabiasa nangande labi-labi kandea anu nanavu lako ri meja ntupuna.”