Matius 14:5 - Kaili Ledo

⁵ Kakanana Magau Herodes madota mompatesi i Yohanes, tapi naeka ia ante todea, sabana i Yohanes nirekera nabi.

Matius 14:5 Referans Kwoze

Matius 21:26

Tapi ane raulita kuasana lako nte manusia, naeka kita nte todea, sabana ira pura-pura nomparasaya i Yohanes mpuu-mpuu nabi nTupu.”

Matius 11:9

Jadi nuapa patujumiu hamai? Tantumo hau manggita nabi. Tapi pariaramo! I Yohanes naogepa pade nabi ntanina,

Suro-Suro 5:26

Nangepe tesa haitu, pakeni ntopojaga Banua nu Alatala ante pura-pura roana hau nialara mpanjili suro-suro. Tapi ledo niduasira, apa naeka ira ka todea. Niulira bara rarempe ntodea ante vatu ira ane raduasira suro-suro.

Suro-Suro 4:21

Ledo nikava ntopolibu anu masipato rahuku ka i Petrus bo Yohanes. Jadi niparanggara vaimo randua suro haitu pade nikabasakaramo, sabana naeka ira ka todea. Apa pura-pura todea nantoiya Alatala sabana kabaraka haitu.

Lukas 20:6

Tapi ane raulita kuasana lako nte manusia, natantu todea mombarempe kita ante vatu, sabana ira pura-pura nomparasaya i Yohanes mpuu-mpuu nabi.”

Matius 21:32

Sabana, i Yohanes Topediu neonga nompatuduki dala nanoa ka komiu, tapi ledo niparasayamiu ia. Tapi topesingara balasitee bo bajinga nomparasaya ia. Bo nau nikitamiu pura-pura anu nikitara, ledo najea komiu, bo ledo ntoto niparasayamiu.”