Matius 14:22 - Kaili Ledo

²² Naupu haitu nitudu i Yesusmo ana-anaguruNa mesavi sakaya mokolu ka Ia hau ri sambote rano. Apa Ia da mompopanjili todea manjili hau ri ngatara mboto.

Matius 14:22 Referans Kwoze

Matius 15:39

Naupu haitu, i Yesus nombatudu todea manjili. Bo Ia mboto nesavi sakaya lako ri sia hau ri bagia Magadan.

Matius 13:36

Naupu haitu i Yesus nompalaisi todea haitu bo nanjili hau ri banua. Pade nakava anaguruNa nanguli ka Ia, “Guru, tulungi tesa pakalanto ka kami batuana porapa pangane, jono natuvu ri talua pae.”

Matius 14:21

Kadea ntopangande hamai nitasere lima-njobu langgai, ledo nibila mombine ante ngana-ngana.

Suro-Suro 18:5

Nakavapa i Silas bo i Timotius lako ri propinsi Makedonia, nikabasaka i Paulusmo pokarajaana novia tenda, bo eo-eo nipatolelena Kareba Belo lako nte Alatala ka toYahudi. Nipakalantona ka ira i Yesusmo Magau Topompakasalama manusia anu nijanji nu Alatala.