Matius 14:15 - Kaili Ledo

¹⁵ Nanggoviamo, domo masae mabongimo, anaguru i Yesus nanggaparai Ia bo nanguli, “Guru, mabongimo, bo ponturo hitu nakalinoa. Agina ratuduMiu todea haitu hau ri ngata-ngata napara ri sii ala ira mamala mangali kandea.”

Matius 14:15 Referans Kwoze

Matius 15:23

Tapi i Yesus ledo notingo. Bo ana-anaguruNa nanggaparai Ia bo nerapi nte Ia, “Guru, agina popalai haumo mombine haitu! Ia ledo naupu-upu nongare-ngare bo nantuntuni purita.”

Lukas 9:12

Domo masae masolomo eo, anaguru i Yesus sapulu randua nakava nangulika Ia, “Guru, agina ratuduMiu tona gahaitu hau mangelo kandea bo ponturo ri ngata-ngata napara ri sii, apa ponturo hitu nakalinoa.”

Markus 8:3

Ane Kutudu ira manjili nte ara, natantu maleto ri dala. Apa sanu ira nakava lako ri ngata nakavao.>>

Matius 14:13

Tempo i Yesus nangepe kareba i Herodes nangelo Ia, nipalaisiNa ponturo haitu. NipesaviNa sakaya bo hau saitoNa ri ponturo kalinona. Tapi niepe ntodea nalaimo i Yesus, ira muni nompalaisi ngata-ngatara bo hau nolipa ri kabatana mantuntuni Ia.

Matius 14:14

Tempo i Yesus nanau lako ri sakaya, nikitaNa nadea mpuu tona nompopea Ia. Naasi mpuumo mataNa nanggita ira, bo nipakabeloNamo tona nadua.

Matius 14:16

Tapi nanguli i Yesus ka ira, “Ledo paraluu ira malai. Komiumo mombadekei kandea ka ira.”