Matius 14:13 - Kaili Ledo

¹³ Tempo i Yesus nangepe kareba i Herodes nangelo Ia, nipalaisiNa ponturo haitu. NipesaviNa sakaya bo hau saitoNa ri ponturo kalinona. Tapi niepe ntodea nalaimo i Yesus, ira muni nompalaisi ngata-ngatara bo hau nolipa ri kabatana mantuntuni Ia.

Matius 14:13 Referans Kwoze

Matius 12:15

Nisani i Yesusmo patuju ntoFarisi nadaa haitu nte Ia. Jadi nalaimo Ia lako ri ponturo haitu hau ri ponturo ntanina. Nadea mpuu tona nantuntuni Ia bo isema-sema nadua, nipakabeloNamo.

Matius 10:23

Ane komiu rapandasa ntona ri sangu ngata, palaimo hau ri ngata ntanina. Pariaramo tesaKu hitu. Yaku, Ana nu Manusia kana makava mpanjili dopame maupu rakenimiu Kareba Belo ka pura-pura ngata ri tana Israel.

Matius 14:12

Nangepe kajadia haitu, nakavamo ana-anaguru i Yohanes mangala karobata i Yohanes, bo nitanara ri dayo. Naupu sia, hau ira nopakilu ka i Yesus namatemo i Yohanes.

Markus 1:35

Nasadondo mpuu, da naruyona, nembangumo i Yesus bo nompalaisi banua. Ia hau ri ponturo nakalinoa bo nosambaya hamai.

Lukas 4:42

Sanggaeona nalaimo i Yesus lako ri ngata haitu hau ri kalinona. Todea nangelo Ia sampe nikavara. Nipasimbukura nompatetaa i Yesus ala Ia ledo mompalaisi ngatara.