Matius 13:54 - Kaili Ledo

⁵⁴ hau ri ngataNa mboto. Ri sia Ia nompaguru tona ri banua petupura. Natekaja ira nangepe tesaNa, sampe ira nosimpekutana, “Lako ri umba tano nikavaNa noto eva haitu? Bo lako ri umba muni nikavaNa kuasa novia kabaraka-kabaraka?

Matius 13:54 Referans Kwoze

Matius 7:28

Naupu i Yesus nompatuduki haitu pura-pura ka todea, nokumaa mpuumo ira nangepena.

Matius 4:23

I Yesus hau nompebutu ngata ri bagia Galilea. Ri ngata-ngata haitu Ia nompatuduki tona ri banua-banua petupu ntoYahudi bo nipatoleleNa Kareba Belo, anu notesaki Poparenta nu Alatala. Bo nipakabeloNa tona nadua mpengaya-ngaya.

Matius 2:23

Bo nonturomo ira ri ngata nosanga Nazaret. Ivesiamo kadupana tesa nTupu nipasimbayu nabi-nabi nggaulu ivei: “Ia rauli ntona toNazaret.”

Suro-Suro 13:46

Tapi i Paulus bo i Barnabas aga nantambai kabiara notesa ka ira ivei: “Masipato Tesa nu Alatala rapasimbayu ntani ruru ka komiu toYahudi. Tapi nipoaramiu tesa haitu. Nipakalantomiu mboto komiu ledo masipato manggava katuvu nabelo sampe ri kasae-saena. Sabana haitu, kami domo mompatolele tesa haitu ka komiu toYahudi! Hitupa kami hau nte tona ledo toYahudi,

Suro-Suro 4:13

Topolibu haitu nokumaa pura-pura nanggita kabia i Petrus bo i Yohanes notesa, nemopa nisanira randua suro haitu aga tona biasa anu ledo nosikola nalanga. Lako rahaitu nisanira mpuumo randua suro haitu nosamporoa nte i Yesus bara ipia.

Yohanes 1:11

Ia nakava ri ngataNa mboto, tapi tona ri ngataNa haitu ledo nadota nantarima Ia.

Lukas 2:47

Pura-pura tona nangepe Ia nokumaa, sabana natau mpuu Ia nesanaka guru agama.