Matius 13:48 - Kaili Ledo

⁴⁸ Naponupa jala, nianggataka ntopompemala baumo bo nitajara hau ri kabatana, pade nonturomo ira nompelisi bau haitu. Bau tobelona nidika riara tonda, tapi bau ledo nabelo nitedeakara.

Matius 13:48 Referans Kwoze

Matius 13:30

Palambamo jono matuvu mosanggani ante pae sampe makava tempona mokato. Damo kuuli ka topokato ngena, pasiromu ntani ruru jono-jonona, pade rapou bo rapalabusi. Naupu sia, pade rapasiromu pae bo raboli riara gampiriku.’ ”

Matius 3:12

Ia nasimbayu eva tona novaro pae. Nasadiamo Ia ante tapi ri paleNa bo ravarona paeNa sampe magasa. Pae naisi raboliNa riara gampiriNa, tapi meena rapalabusiNa riara apu anu ledo mapaya-paya.”

Matius 4:18

Naria sanggani i Yesus nolipa ri tinggi Rano Galilea. NikitaNa hamai randua tona ntali sampesuvu, haitumo i Simon, anu nidae i Petrus, ante tueina i Andreas. Tempo haitu ira nantendeaka jala mompemala bau ri rano haitu sabana ira topebau mami.

Matius 13:47

“Poparenta nu Alatala nirapaka jala ri porapa hitu: Sangu jala bau nitendeaka ntopebau riara ntasi, bo nompengaya lenje bau nesua riarana.

Matius 13:49

Ivesia muni majadi ri Kaupu nu Dunia. Malaeka-malaeka nTupu kana hau mombataniaka tona nadaa lako ri tona nanoa.