Matius 13:47 - Kaili Ledo

⁴⁷ “Poparenta nu Alatala nirapaka jala ri porapa hitu: Sangu jala bau nitendeaka ntopebau riara ntasi, bo nompengaya lenje bau nesua riarana.

Matius 13:47 Referans Kwoze

Yohanes 15:6

Tona ledo naroo nosangu rara nte Yaku kana ratedeaka nasimbayu mpo tinggu nu valaa ratedeaka sampe mangau. Tinggu-tinggu nangau haitu aga rapasiromu ratedeaka ri mata nu apu bo rapalabu.

Pompakita 3:1

Ana nu Manusia netudu vai ala kutulisi ka malaeka anu nanggeniaka todea topomparasaya ri ngata Sardis ivei: “Hitumo tesa lako nte Yaku anu nombakuasai papitu Nosa nu Alatala bo anu nantipale pitu-angu betue. NisaniKumo pura-pura pokainggumiu. Komiu nireke ntona topomparasaya naroso, tano pomparasayamiu haitu namatemo.

Markus 1:17

Nanguli i Yesus ka ira, <>

Galatia 2:4

Tapi naria tona ntanina madota mompasuu i Titus rasuna, nangoseaka atura agama Yahudi. Panguli ntona haitu, ira topomparasaya i Kristus, tano aga davara. Ira nesua nggalino-lino ri kasiromu kami bo nomata-matai kami. Patujura ala pura-pura topomparasaya matundu nte atura-atura agama Yahudi. Tapi kita ledo paraluu matundu nte atura-atura haitu ala majadi manoa ri panggita nu Alatala. Kita nikabasaka lako ri atura haitu sabana kita nosangu rara ante i Yesus Kristus.

2 Korintus 11:26

Nadea ngganimo nirasaiku kasusa riara mpolipaku. Naria uve lono. Naria muni topeago. Yaku nipandasa ntoYahudi bo muni tona ledo toYahudi. Yaku nombarasai susa riara ngata bo ri kataolosana bo rara ntasi. Bo yaku nombarasai susa lako nte tona nanguli ira sampesuvu sampomparasaya, tano mai ledo.

Suro-Suro 20:30

Lako nte komiu mboto meumba tona mompatuduki anu ledo nakana. Rapoviara ivesia ala topangoseaka i Yesus domo mangoseaka dala nakana, tapi mangoseaka iramo.

Lukas 5:10

Ivesia muni roa i Simon, haitumo i Yakobus bo i Yohanes, ana i Zebedeus. Nanguli i Yesus ka i Simon, “Nee maeka. Komiu topebau mami, tapi nompamula sii-sii komiu mompaelo tona bo mompatuduki ira mangoseaka Yaku.”

Matius 4:19

Nanguli i Yesus ka ira, “Kamaimo, oseakamo Yaku, bo Kupatuduki komiu mangelo tona ntanina majadi topangoseaka Yaku.”

1 Korintus 11:19

Komiu kana matebagi-bagi mami ala rasani isema komiu mpuu-mpuu nangoseaka i Yesus!

Yohanes 15:2

Tinggu-tingguKu anu ledo novua nikoto bo nitedakaNa. Tapi tinggu-tinggu novua nipegasaNa pakabelo-belo ala mantambai kadea vuana.

Matius 13:44

Nanguli i Yesus, “Kabelona majadi todea riara Poparenta nu Alatala nasimbayu eva bulava nitabuniaka ri tana. Naria tona nanggava bulava haitu bo nadamba mpuu rarana. Jadi niivuna mpanjili bo hau nipobaluna pura-pura mbara-mbarana. Bo ali mbara-mbarana haitu nipakena nangali tana nipanggavana bulava haitu.”

Matius 13:46

Nikavanapa sangu mutiara anu nagaya mpuu bo nelabi kasuli nu alina, haumo ia nompobalu pura-pura mbara-mbarana bo ali mbara-mbarana haitu nipakena mangali sangu mutiara pangane.”

Matius 13:48

Naponupa jala, nianggataka ntopompemala baumo bo nitajara hau ri kabatana, pade nonturomo ira nompelisi bau haitu. Bau tobelona nidika riara tonda, tapi bau ledo nabelo nitedeakara.