Matius 13:46 - Kaili Ledo

⁴⁶ Nikavanapa sangu mutiara anu nagaya mpuu bo nelabi kasuli nu alina, haumo ia nompobalu pura-pura mbara-mbarana bo ali mbara-mbarana haitu nipakena mangali sangu mutiara pangane.”

Matius 13:46 Referans Kwoze

Efesus 3:8

Yaku natueipa pade pura-pura todea nu Alatala ntanina. Tapi naupa ivesia, Alatala nabelo mpuu nte yaku bo nidekeiNa ka yaku pokarajaa mompatolele Kareba Belo ka komiu tona ledo toYahudi. Kareba haitu notesaki kabelo i Kristus anu naoge mpuu, ledo rapakuleta mombarekena.

Kolose 2:3

I Kristusmo topompopaisani pura-pura noto bo pangisani nu Alatala anu dopa nisani ntona.

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

Matius 13:44

Nanguli i Yesus, “Kabelona majadi todea riara Poparenta nu Alatala nasimbayu eva bulava nitabuniaka ri tana. Naria tona nanggava bulava haitu bo nadamba mpuu rarana. Jadi niivuna mpanjili bo hau nipobaluna pura-pura mbara-mbarana. Bo ali mbara-mbarana haitu nipakena nangali tana nipanggavana bulava haitu.”

Pompakita 21:21

Bo sapulu randua bobaa haitu nipovia lako ri sapulu randua mutiara, sangu bobaa sangu mutiarana. Bo dala riara ngata haitu nipovia lako ri bulava anu ledo ria galona, damo nenggila mpo kaca nevayo.

Galatia 6:14

Tapi yaku ledo ntoto madota mangoe ka nuapa-nuapa; yaku aga mangoeka anu nipovia nTuputa i Yesus Kristus ri kayu salib. Lako ri kamateNa haitu, nalantomo ka yaku ledo ria nuapa-nuapa riara dunia anu namala mompakanoa yaku ri panggita nu Alatala. Jadi nikabasakakumo pura-pura anu ri dunia anu nisarumakaku bara ipia, bo yaku aga nanjarumaka i Kristus.

Matius 13:45

“Ivesia muni kabelona majadi todea riara Poparenta nu Alatala nasimbayu ante mutiara nagaya mpuu ri porapa hitu: Naria topopagoli mutiara anu nangelo-ngelo mutiara anu nasuli alina.

Matius 13:47

“Poparenta nu Alatala nirapaka jala ri porapa hitu: Sangu jala bau nitendeaka ntopebau riara ntasi, bo nompengaya lenje bau nesua riarana.

Pompakita 18:12

Domo maria topangali bulava, salaka, vatu-vatu sinji nasuli bo mutiara nipobalura. Domo muni maria topangali pakea nipovia lako ri kae nalusu, kae sutra, kae nalei bo nakamumu nasuli. Domo maria topangali mpengaya-ngaya pareva nipovia lako ri kayu navangi bo pareva-pareva nipovia lako ri ngisi gaja bara pareva-pareva nipovia lako ri kayu nasuli alina. Bo domo maria topangali pareva-pareva nipovia lako ri tambaga, ase, bo lako ri vatu pualam.