Matius 13:36 - Kaili Ledo

³⁶ Naupu haitu i Yesus nompalaisi todea haitu bo nanjili hau ri banua. Pade nakava anaguruNa nanguli ka Ia, “Guru, tulungi tesa pakalanto ka kami batuana porapa pangane, jono natuvu ri talua pae.”

Matius 13:36 Referans Kwoze

Markus 8:9

Topangande haitu naria pata-njobu kadeana. Naupupa ira nangande nituduNa nanjilimo.

Markus 7:17

Naupu haitu, i Yesus nompalaisi todea bo nesua hau rabanua. Pade nekutanamo anaguruNa nuapa batuana porapa nitesaNa pangane.

Markus 6:45

Naupu haitu, kaliu-liu nitudu i Yesusmo anaguruNa mesavi sakaya, mokolu hau ri ngata Betsaida ri sambote rano. Apa Ia da mompopanjili todea hau ri ngatara mboto.

Matius 13:11

Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu, tapi ledo nipopaisaniNa ka todea.

Matius 13:1

Ri eo haitu muni i Yesus nesuvu lako ri banua hau ri tinggi Rano Galilea bo nonturo ri sia.

Matius 9:28

I Yesus nesua riara banua, bo nesua munimo toburo randua haitu bo nanggaparai Ia. Nekutanamo Ia “Niparasayamiu Yaku nakuasa mompakabelo matamiu?” Nesana ira, “Iyo, Pue. Niparasaya kami.”

Matius 15:39

Naupu haitu, i Yesus nombatudu todea manjili. Bo Ia mboto nesavi sakaya lako ri sia hau ri bagia Magadan.

Matius 14:22

Naupu haitu nitudu i Yesusmo ana-anaguruNa mesavi sakaya mokolu ka Ia hau ri sambote rano. Apa Ia da mompopanjili todea manjili hau ri ngatara mboto.

Markus 4:34

Ia bate-batena nompake porapa ane notesa ka todea. Tapi ane nosanggani-nggani ante ana-anaguruNa, ledo nipakeNa, bo pura-pura tesaNa nitenteiNa pakalanto ka ira.

Matius 13:18

“Jadi, epemo batuana porapa toposavu nitesaKu pangane:

Matius 13:25

Tapi naria sambongi tempo pura-pura tona naturumo, nakavamo balina nombakamburaka vua jono ri talua haitu pade nalaimo ia.