Matius 13:31 - Kaili Ledo

³¹ Pade naria porapa ntanina nitesa i Yesus ka todea ivei: “Poparenta nu Alatala namala nirapaka batu mandoe anu niala ntona bo nitudana ri taluana.

Matius 13:31 Referans Kwoze

Matius 17:20

Nesana i Yesus, “Sabana nakura pomparasayamiu. Pariaramo tesaKu hitu. Nau pomparasayamiu aga nakodi eva batu mandoe, mamala komiu mangulika bulu moitu, ‘Polinja haumo!’ bo bulu moitu molinja mpuu. Ledo ria sangaya anu ledo mamala rapoviamiu.

Lukas 17:6

Nesana i Yesus, “Ane rapana pomparasayamiu masimbayu kambasona mpo batu nu mandoe, mamala raulimiu ka kayu mbaso hitu, ‘Kaubimo! Koi polinja hau rantasi.’ Natantu kayu haitu molinja mpuu.”

Matius 13:24

Naria porapa ntanina nitesa i Yesus ka todea haitu ivei: “Poparenta nu Alatala nirapaka tona hau nosavu savua tobelona ri taluana.

Lukas 20:9

Naupu haitu i Yesus notesa porapa ka todea ivei: “Naria saito langgai notuda salimpu talua anggur. Taluana haitu nidekeikana ka bara sako-ndua topokarajaa mojampangina, damo mobagi aselena. Pade nalaimo ia hau ri ngata ntanina bo nasae nonturo hamai.

Lukas 19:11

Tempo tona da nangepe tesa i Yesus pangane, nitesaNa sangupa porapa ka ira. Apa tempo haitu naparamo Ia ri ngata Yerusalem, bo nisarumaka ntodea masalisa mompamula Poparenta nu Alatala ri dunia, tano dopa.