Matius 13:24 - Kaili Ledo

²⁴ Naria porapa ntanina nitesa i Yesus ka todea haitu ivei: “Poparenta nu Alatala nirapaka tona hau nosavu savua tobelona ri taluana.

Matius 13:24 Referans Kwoze

Matius 25:1

“Tempo Yaku makava mpo Magau, maria tona mainga bo maria tona ntanina malinga nasimbayu nte porapa hitu: Naria sapulu randaa hau mantomunaka boti langgai, simbo nanggeni poindona.

Matius 20:1

I Yesus nanguli, “Tempo Alatala momparenta mpo Magau bo mombabalasi pokainggu ntodeaNa bara maipia masimbayu eva porapa hitu: Naria saito tona notalua anggur. Nasadondo mpuu ia nesuvu lako ri banuana hau mangelo tona ragajina mokarajaa ri taluana.

Matius 13:47

“Poparenta nu Alatala nirapaka jala ri porapa hitu: Sangu jala bau nitendeaka ntopebau riara ntasi, bo nompengaya lenje bau nesua riarana.

Matius 22:2

“Poparenta nu Alatala nasimbayu nte porapa hitu. Naria saito magau novia posusa poboti ka anana langgai.

Matius 13:37

Nesana i Yesus, “Yaku, Ana nu Manusia, nirapaka toposavu pae tobelona.

Lukas 13:20

Nanguli vaimo i Yesus, “Nuapa Kupakasimbayuka kajadina Poparenta nu Alatala?

Lukas 13:18

Naupu haitu i Yesus nanguli, “Berimba kajadina Poparenta nu Alatala? Nuapa Kupasimbayuka?

Matius 13:33

Naupu sia nitesa i Yesus vaimo sangu porapa ntanina. NiuliNa, “Poparenta nu Alatala nasimbayu eva ragi niala nu mombine bo niposigalona ante talu-njuka labu nu gando. Naupu nipasigalona, nenggamba puramo labu gando haitu.”

1 Petrus 1:23

Apa komiu nipajadi nu Alatala manusia nabaru, bo katuvumiu nabaru haitu ledo nopuna lako ri manusia anu mamate. Katuvumiu nabaru nopuna lako nte Alatala anu ledo mamate. Komiu nanggava katuvu nabaru haitu sabana komiu nomparasaya Tesa nu Alatala anu natuvu bo naroo sampe ri kasae-saena.

Matius 13:31

Pade naria porapa ntanina nitesa i Yesus ka todea ivei: “Poparenta nu Alatala namala nirapaka batu mandoe anu niala ntona bo nitudana ri taluana.

Matius 18:23

NiuliKu ivesia, sabana Poparenta nu Alatala namala rarapaka ivei: Naria saito magau anu madota momparesa doi nipake nu tomaoge.

Matius 13:19

Savua nanavu ri dala nirapaka tona nangepe tesa Poparenta nu Alatala tapi ledo nisanira batuana. Bo nakavamo Magau nu Seta mangagosi tesa haitu lako riara ntaira.

Matius 3:2

Niulina, “Kajeamo lako ri dosamiu sabana naparamo tempona Alatala mompamula momparenta mpo Magau!”

Matius 21:33

I Yesus nompapola tesaNa ka pakeni-pakeni ntoYahudi. NiuliNa, “Epe porapa ntanina. Naria saito tupu ntalua nombatuda anggur ri taluana. Nivalana ntiku talua haitu bo nikaena lovu ri vatu rapompea vua anggur. Bo nipoviana sou pojaga ri talua haitu. Naupu haitu nibolina talua haitu nte bara sako-ndua topokarajaa mojampangina, damo rabagi aselena, bo hau ia ri ngata nakavao.

Matius 4:23

I Yesus hau nompebutu ngata ri bagia Galilea. Ri ngata-ngata haitu Ia nompatuduki tona ri banua-banua petupu ntoYahudi bo nipatoleleNa Kareba Belo, anu notesaki Poparenta nu Alatala. Bo nipakabeloNa tona nadua mpengaya-ngaya.

Kolose 1:5

Komiu nomparasaya bo nepotove sabana komiu bate-batena nanjarumaka Alatala bo nantongoraka anu nipakasadiaNa ka komiu ri suruga. Anu nisarumakamiu haitu niepemiumo tempo Kareba Belo nipatolele ka komiu bara ipia. Kareba Belo haitu mpuu-mpuu nakana

Matius 13:25

Tapi naria sambongi tempo pura-pura tona naturumo, nakavamo balina nombakamburaka vua jono ri talua haitu pade nalaimo ia.