Matius 13:19 - Kaili Ledo

¹⁹ Savua nanavu ri dala nirapaka tona nangepe tesa Poparenta nu Alatala tapi ledo nisanira batuana. Bo nakavamo Magau nu Seta mangagosi tesa haitu lako riara ntaira.

Matius 13:19 Referans Kwoze

Matius 13:38

Dunia nirapaka talua haitu. Tona anu najadi todea riara Poparenta nu Alatala nirapaka savua tobelona. Bo topangoseaka Magau nu Seta nirapaka jono.

Ibrani 2:1

I Yesus naogepa pade malaeka. Sabana haitu, kita kana manggangisi pakabelo-belo pepatuduki niepeta ala kita ledo masalandala lako ri dala nakana.

1 Yohanes 5:18

Nisanita ane tona najadi ana-ana nu Alatala, ira domo batena novia dosa, sabana i Yesus Ana nu Alatala nombajagai ira bo Magau nu Seta ledo nompakule mombadagi ira.

Matius 4:23

I Yesus hau nompebutu ngata ri bagia Galilea. Ri ngata-ngata haitu Ia nompatuduki tona ri banua-banua petupu ntoYahudi bo nipatoleleNa Kareba Belo, anu notesaki Poparenta nu Alatala. Bo nipakabeloNa tona nadua mpengaya-ngaya.

1 Yohanes 3:12

Nee kita mompasiala inggu i Kain nangoseaka dota Magau nu Seta bo nompatesi tueina mboto. Nuapa sabana i Kain nompatesi tueina mboto? Sabana pokainggu i Kain nadaa bo ia nasiriati nanggita pokainggu ntueina nanoa.

Roma 1:28

Tona gahaitu ledo nadota mosisani ante Alatala. Jadi Alatala nompalamba ira rakeniaka mpekirira nadaa sampe ira novia anu ledo masipato rapoviara.

2 Tesalonika 2:12

Kaupuna pura-pura tona anu ledo nomparasaya pepatuduki nakana bo aga nadamba novia anu nadaa rahuku nu Alatala.

Roma 14:17

Apa anu nopoko riara Poparenta nu Alatala, ledo anu nikandeta atau niinuta. Anu nopoko, kita manoa rarata, bo matuvu mosinggabelo ante roata, bo madamba rarata sabana Nosa Gasa nu Alatala naria riara ntaita.

Roma 2:8

Tapi ane tona aga nompekirika karora mboto, bo ledo nadota nangoseaka dota nu Alatala, tapi aga nangoseaka dota nu rarara nadaa, tona gahaitumo rapokarau nu Alatala bo rapambela pehuku.

Suro-Suro 28:23

Jadi nipakatantura eo rakasiromura ante i Paulus. Nanggavapa eo niovora, nadea tona nakava nasiromu ri banua i Paulus. Lako ri mpadondona sampe nggoviana i Paulus nombatesa Poparenta nu Alatala ka ira bo nombatentei pepatuduki i Yesus. Nibacana lako ri Buku Atura Agama nitulisi Nabi Musa bo Buku Nabi-nabi ntanina, ala rasanira tesana nakana bo raparasayara i Yesus mpuu-mpuu Magau Topepakasalama.

Suro-Suro 20:25

Sampesuvu-sampesuvuku. Nitunggaikumo komiu bo nipatudukikumo Poparenta nu Alatala ka komiu pura-pura. Bo sii-sii nisaniku domo rakitamiu hanupa lenjeku.

Suro-Suro 18:15

Tapi haitu aga posisala panggava ka tesa-tesa bo sanga-sanga bo atura-atura agamamiu mboto! Kana rapasiayumiu mboto. Yaku hii ledo mombatangara parakara ivehitu!”

Suro-Suro 17:32

Tempo todea nangepe tesa tomate natuvu mpanjili lako ri kamatena, naria sanu ira nompongirika i Paulus, sabana ledo niparasayara tomate mamala matuvu mpanjili. Tapi naria muni sanu nanguli, “Kami da madota mangepe hanupa tesamu tutu!”

Yohanes 18:38

Nekutana i Pilatus, “Nuapa anu nakana?” Naupu haitu nesuvu vaimo i Pilatus lako riara banuana hau mangulika toYahudi, “Ledo ntoto naria nikavaku sala ntona hitu.

Yohanes 8:43

Natantumo ledo nipahamiu tesaKu sabana ledo nipokonomiu mantarima pepatudukiKu.

Lukas 10:9

Pakabelomo tona nadua ri ngata haitu bo ulika ira, ‘Naparamo tempona Alatala moparenta mpo Magau ri tatangamiu.’

Lukas 9:2

NituduNa ira hau mompakabelo tona nadua bo mompatolele kareba Poparenta nu Alatala.

Markus 4:15

Savua nanavu ri bivi dala, nirapaka tona anu nangepe Tesa nu Alatala, tapi Magau nu Seta nakava nangala tesa dako nesua riara ntaira.

Matius 5:37

Tapi ane patujumiu iyo, ulimo iyo, bo ane patujumiu ledo, ulimo ledo. Ledo nabelo mompakaroso tesa ante mosumpa sabana pokainggu eva haitu nopuna lako ri Magau nu Seta.”

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

Efesus 3:8

Yaku natueipa pade pura-pura todea nu Alatala ntanina. Tapi naupa ivesia, Alatala nabelo mpuu nte yaku bo nidekeiNa ka yaku pokarajaa mompatolele Kareba Belo ka komiu tona ledo toYahudi. Kareba haitu notesaki kabelo i Kristus anu naoge mpuu, ledo rapakuleta mombarekena.

Matius 12:26

Ivesia muni ante Magau nu Seta. Ane Magau nu Seta mompopalai seta-seta ntanina, batuana seta mosimpobali ante seta ntanina. Ane ivesia, natantu poparenta Magau nu Seta haitu ledo maroso, aga magero nggoomo.

Matius 13:20

Savua nanavu ri tana navatu nirapaka tona anu nangepe Tesa nu Alatala bo kaliu-liu nadamba nantarima tesa haitu.