Matius 12:20 - Kaili Ledo

²⁰ Tava natetilu ledo rapakakotoNa, batuana, Ia nabelo nte tona nalente pomparasayana bo sumbu poindo aga nompida-mpida vayana ledo rapepayaNa; batuana, nalusu raraNa nte tona nau pomparasayana ledo naroo. Ia bate-batena mompasimbuku sampe kanoa nu poparenta nu Alatala majadi ri dunia,

Matius 12:20 Referans Kwoze

Lukas 4:18

“Nosa Gasa nu Alatala naria nte Yaku, sabana Iamo nompelisi Yaku manggeni Kareba Belo ka tona napakasi. Ia nomposumba Yaku mangulika tona nitavani, rakabasaka. NituduNa Yaku mangulika tona naburo, mamala mekita mpanjili. NituduNa Yaku mombakabasaka tona nipobatua.

Pompakita 6:2

Nipeintaku, naria sangu jara bula. Topesavina nanggangisi pana bo nidekei ka ia songgo, mpo songgo nipoposonggoka tona padagi riara mposieva. Bo haumo ia mpo tadulako mombadagi balina.

2 Korintus 2:7

Hitupa komiu kana mombaampungi ia bo mompakavoe rarana. Nee sampe ia masusa gaga bo maupu rarana.

Matius 11:28

Isema-sema nalenge bo nantamo panggenina, kamaimo nte Yaku! Yaku mompakangaa ia.

2 Korintus 2:14

Yaku nosukuru nte Alatala! Ia batena nanggeniaka kami nosanggani-nggani nte Ia bo nitulungiNa kami najadi padagi sabana kami nosangu rara ante i Kristus. NitulungiNa kami nompatolele Kareba Belo i Kristus ri umba-umba ala pura-pura tona mangepena bo mosisani nte Alatala. Bo Kareba haitu nasimbayu mpo soa navangi nasilele nienga ri umba-umba.

Matius 11:7

Nalaipa tona nitudu i Yohanes haitu, nitesaNamo katuvu i Yohanes ka todea. NiuliNa, “Nuapa patujumiu hau ranggarava bai nompeinta i Yohanes bara ipia? Hau manggita tona nonggai rarana eva kavoko niburu mpoiri hau tumai? Natantu ledo ivesia.