Matius 12:18 - Kaili Ledo

¹⁸ ‘Siimo BatuaKu nipelisiKu. Iamo anu nipotoveKu bo nipodamba raraKu. Nosa Gasa Kudekei ka Ia Bo Ia mompatolele poparentaKu nanoa ka pura-pura tona.

Matius 12:18 Referans Kwoze

Lukas 4:18

“Nosa Gasa nu Alatala naria nte Yaku, sabana Iamo nompelisi Yaku manggeni Kareba Belo ka tona napakasi. Ia nomposumba Yaku mangulika tona nitavani, rakabasaka. NituduNa Yaku mangulika tona naburo, mamala mekita mpanjili. NituduNa Yaku mombakabasaka tona nipobatua.

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Yohanes 3:34

Tona nisuro nu Alatala, Iamo nompapola tesa nu Alatala, sabana Alatala nombadekei Nosa GasaNa ka Ia, ledo ria pantaaNa.

1 Petrus 2:4

Jadi pekoumo nte i Yesus! Ia nirapaka vatu natuvu anu nipoara nu manusia sabana nisarumakara ledo ria gunana. Tapi Alatala nompelisi vatu haitu sabana haitu vatu tobelona ri panggitaNa.

2 Petrus 1:17

Apa kami mboto naria nosanggani-nggani nte Ia ri bavo nu bulu bara ipia tempo Ia nibila bo nipakareme nTuamata Alatala. Bo suara nu Alatala anu Neliu KaogeNa nanguli ivei: “Hitumo AnaKu nipotoveKu, Iamo nompakadamba raraKu.”

Kolose 1:13

Iamo nombakabasaka kita lako ri kuasa nalanda bo nompajadi kita todeaNa ri Poparenta nu AnaNa nipotoveNa.

Kolose 1:1

Sampesuvu-sampesuvu sampomparasaya ri ngata Kolose, todea nu Alatala anu naroo nosangu rara nte i Kristus: Sura hitu lako nte yaku, i Paulus, anu nipelisi majadi suro i Yesus Kristus nangoseaka dota nu Alatala; bo lako nte i Timotius, sampesuvuta sampomparasaya. Nadea tabe kami. Kami merapi Tuamata Alatala mombadekei belo ka komiu bo mompakatinonto raramiu.

Efesus 1:6

Alatala novia pura-pura haitu ala ratoiyata Ia. Nelabi mpuu kaoge nu toveNa ka kita! Lako ri kabelo nu raraNa, Ia nompopelabi bayangi toveNa ka kita anu nosangu rara ante AnaNa nipotoveNa.

Suro-Suro 14:27

Tempo nakava ri ngata Antiokhia, nipasiromura topomparasaya i Yesus bo nitesakara pura-pura anu nipovia nu Alatala ri polipara. Nitesara muni Alatala nombadekei loga ka tona ledo toYahudi momparasaya i Yesus.

Suro-Suro 11:18

Tempo tona nasiromu ri sia nangepe tesa i Petrus, domo ira nebali. Ira nosanggani-ngganimo nantoiya Alatala. Niulira, “Ane ivesia tano, todea ledo toYahudi muni nipaloga nu Alatala majea lako ri dosa-dosara bo mantarima katuvua nabelo sampe ri kasae-saena!”

Lukas 23:35

Nadea tona neangga ri sia nantarana. Naria muni pakeni-pakeni ntoYahudi nompongeika i Yesus. Niulira, “Hm! Tona ntanina nipakasalama. Ane mpuu-mpuu Ia Magau Topepakasalama nipelisi nu Alatala, dekeikamo Ia mompakasalama karoNa mboto!”

Lukas 9:35

Lako riara kulimu naria suara nanguli, “Hitumo AnaKu nipelisiKu. Epemo tesaNa!”

Lukas 3:22

bo Nosa Gasa nolenje mpo tonji banggebodo, netuu nte Ia. Pade naria suara lako ri suruga nanguli, “Ikomo AnaKu nipotoveKu. Ikomo nompakadamba raraKu.”

Markus 9:7

Naupu sia, nakavamo kulimu nombabungu ira bo niepera suara lako ri kulimu haitu nanguli, <>

Markus 1:11

Bo naria suara lako ri suruga nanguli, <>

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Matius 12:17

Ivesiamo kadupana Tesa nu Alatala anu nipasimbayu Nabi Yesaya nggaulu ivei: