Matius 11:30 - Kaili Ledo

³⁰ Nakana suka pasanga Kudika, bo panggeni Kudekei nangaa rasimbuakamiu.”

Matius 11:30 Referans Kwoze

1 Yohanes 5:3

Apa ane nipotoveta Alatala, natantu raoseakata parenta-parentaNa. Bo parenta-parentaNa ledo nakaja raoseaka,

Yohanes 16:33

Pura-pura tesaKu pangane nitesaKu ka komiu ala matinonto raramiu sabana komiu mosangu rara nte Yaku. Ri dunia hitu komiu rapandasa. Tapi pakaroso raramiu! Apa kuasa nadaa ri dunia hitu nidagiKumo!”

Filipi 4:13

Nipakuleku nantingayo nuapa-nuapa ante petulungi i Yesus Kristus anu nompakaroso yaku.

Galatia 5:1

I Kristus nombakabasaka kita lako ri Atura agama ala kita mpuu-mpuu makabasaka. Jadi pakaroomo raramiu ala komiu batena makabasaka. Nee rapalamba karomiu rapobatua mpanjili.

Galatia 5:18

Tapi ane komiu nikeniaka Nosa Gasa nu Alatala, komiu ledo paraluu matundu nte Atura agama.

Suro-Suro 15:10

Jadi nakuya komiu ledo nadota nantarima anu nipovia nu Alatala sii-sii? Nakuya komiu aga madota mompasuu ira mantuntuni atura-atura anu nakaja mpuu raoseaka? Totuata nggaulu bo kita mboto ledo nompakule nangoseaka atura-atura haitu.

2 Korintus 4:17

Kasusa nirasai kami ri dunia hitu nangaa bo aga sampalai. Bo kami mantarima belo sampe ri kasae-saena sabana nitidamaka kami riara kasusa haitu. Kasusa nirasai kami sii-sii aga sakide kodi ane rapoposisala ante belo ratarimata bara maipia.

Suro-Suro 15:28

Sampesuvu-sampesuvu, hitumo asele polibu kami anu nipokono nu Nosa Gasa nu Alatala bo nipokono kami muni, ala komiu ledo mandasa mantuntuni atura-atura nakaja. Aga atura-atura hitu paraluu raoseakamiu:

Matius 12:1

Naria saeo, i Yesus ante anaguruNa noliu ri talua gando ri eo penonto. Tempo ira noliu ri sia, anaguru i Yesus nokaleti gando sakide bo niontara sabana naaramo taira.