Matius 11:11 - Kaili Ledo

¹¹ Nanguli munimo i Yesus, “Pariaramo, lako ri pura-pura tona nipoanaka ri dunia hitu ledo naria saitoa naogepa pade i Yohanes Topediu. Tapi nau tona ledo ria nturona ri Poparenta nu Alatala, naogepa ia pade i Yohanes.

Matius 11:11 Referans Kwoze

Lukas 7:28

Nanguli i Yesus, “Toramo! Lako ri pura-pura tona nipoanaka ri dunia hitu, ledo ria saitoa tona naogepa pade i Yohanes. Tapi nau tona ledo ria nturona ri Poparenta nu Alatala, naogepa ia pade i Yohanes.”

Efesus 3:8

Yaku natueipa pade pura-pura todea nu Alatala ntanina. Tapi naupa ivesia, Alatala nabelo mpuu nte yaku bo nidekeiNa ka yaku pokarajaa mompatolele Kareba Belo ka komiu tona ledo toYahudi. Kareba haitu notesaki kabelo i Kristus anu naoge mpuu, ledo rapakuleta mombarekena.

Yohanes 1:15

I Yohanes nompopaisani ka todea isema niuli Tesa nu Alatala haitu. Nongaremo ia, “Hitumo Ia anu niuliku bara ipia. Niuliku kana maria tona makava ri puriku anu naogepa pade yaku. Ia naogepa pade yaku sabana lako ri lamba pamulana dopame yaku nipoanaka naria mamimo Ia.”

Matius 5:19

Jadi, isema-sema nombaliunaka nau aga sambela lako ri parenta riara Atura-atura haitu, nau parenta anu nakodi ntoto, bo mompatuduki tona ntanina mombaliunaka muni, ia rareke tona nelabipa kakodina riara Poparenta nu Alatala. Tapi isema-sema nangoseaka Atura-atura haitu bo nipatudukina ka tona ntanina mangoseakana muni, iamo rareke tona nelabi kaogena riara Poparenta nu Alatala.

Matius 3:11

Yaku mombadiu komiu ante uve, tandana najeamo komiu lako ri dosamiu. Tapi da nariapa saito ngena tona meonga nelabipa kakuasaNa pade yaku. Naogepa Ia pade yaku sampe nau manggeni sapatuNa ledo masipato yaku. Ia mombadiu komiu ante Nosa Gasa nu Alatala bo apu.

Lukas 9:48

bo niulikaNa ira, “Isema-sema nantarima ngana hitu sabana pomparasayana Yaku, nasimbayu mpo nitarimana muni Yaku. Bo isema-sema nantarima Yaku, nitarimana muni Alatala anu nantudu Yaku. Jadi isema-sema naede rarana, iamo nalangapa panggana ri panggita nu Alatala.”

1 Petrus 1:10

Nabi-nabi nu Alatala nggaulu nangelo pakabelo-belo ala rasanira berimba Alatala mompakasalama manusia. Nibotora belo nidekei nu Alatala ka komiu, anu nirasaimiu sii-sii. Nosa Gasa i Kristus riara ntaira nompopaisani ka ira kasusa bo kapari anu mambela ka i Kristus, bo nipopaisaniNa muni kuasa bo kaoge rakava i Kristus maliu kasusa bo kapari haitu. Tapi dopa nisani nu nabi-nabi berimba kadupa nu tesa-tesa nibotora. Haitumo sampe niparesara pakabelo-belo ala rasanira tempona bo berimba kadupana pura-pura anu nibotora haitu.

Ibrani 11:40

sabana naria nia nabelopa nipakasadia nu Alatala ka kita pura-pura. PatujuNa ala ira mompopea sampe kita pura-pura mosanggani-nggani rapajadi magasa bo ledo makura nuapa-nuapa.

1 Korintus 15:9

Yaku hii suro i Yesus natueipa pade suro-suro ntanina. Kakanana yaku hii ledo masipato rauli suro i Yesus sabana yaku nompandasa todea topomparasaya Ia bara ipia.

1 Korintus 6:4

Jadi ane maria parakara ivehaitu, rapokuya rakenimiu ratangara ntona anu ledo masipato mangurusi todea topomparasaya?

Yohanes 10:41

Nadea tona hau nosinggava nte Ia. Bo simbo notesamo ira, “I Yohanes ledo ntoto novia kabaraka. Tapi ia nantesa i Yesus bo tesana haitu nakana mpuu!”

Yohanes 5:35

I Yohanes Topediu haitu nasimbayu mpo poindo nevangga bo nanggeni reme ka komiu. Bo komiu nadamba mpuu nangepe tesana. Tapi kadamba nu raramiu haitu aga sampalai.

Yohanes 1:27

Ia haitu makava maliu yaku. Tapi Ia naogepa pade yaku sampe nau mombavole lui sapatuNa, ledo masipato yaku.”

Yohanes 7:39

Uve nipatuju i Yesus, haitumo Nosa Gasa nu Alatala anu radekei ka tona nomparasaya Ia. Tempo haitu, Nosa Gasa dopa nidekei ka topomparasaya sabana i Yesus dopa neore hau ri suruga bo nipakaoge nu Alatala.

Efesus 2:3

Bara ipia kita pura-pura nokainggu nasimbayu mpo tona haitu; kita muni natuvu nangoseaka mpengaya-ngaya dota rarata nadaa. Kita aga novia anu nompakasana karota bo pekiri rara ntaita nadaa. Kakanana kita masipato rapambela pehuku nu Alatala sabana pokaingguta haitu. Kita nasimbayu mpo tona ntanina nadaa.

2 Timotius 1:10

Bo sii-sii nakavamo i Yesus Kristus topompakasalama kita bo nikitata kambaso pepotove nu Alatala ka kita. Lako ri Kareba Belo nisanita i Kristus nombadagi kuasa kamate, bo nombadekei katuvua nabelo anu ledo maupu-upu.

Lukas 1:15

Ia majadi tomaoge ri panggita nu Alatala. Ia ledo manginu anu nepakalangu. Lako ri pompoanakame, ia rakuasai Nosa Gasa nu Alatala.

Matius 3:1

Bara sakuya mpae kaliuna haitu, nompamulamo i Yohanes Topediu nompatuduki ri karava bai ri bagia Yudea.

Matius 11:10

sabana iamo suro nitesaki nu Alatala riara Buku Gasa ivei: ‘Pariaramo! Kutudu suroKu mokolu ka Iko, ala ia mompakasadia dala ka Iko.’ ” Maleakhi 3:1

Matius 11:12

Lako ri pamula nu pokarajaa i Yohanes Topediu sampe sii-sii, Poparenta nu Alatala nieva ntona nadaa bo nasese anu madota mombadagina.