Markus 9:1 - Kaili Ledo

¹ I Yesus nanguli ka ira, <>

Markus 9:1 Referans Kwoze

Lukas 9:27

Pariaramo! Naria bara sako-ndua komiu ri sii dopa mamate ane dopa rakitara Alatala moparenta mpo Magau.”

Ibrani 2:9

Tapi nikitata i Yesus nakuasa! Ia niparitambe sampalai lako ri malaeka nasimbayu mpo manusia ala Ia rapatesi mombasambei pura-pura manusia. Haitu nipoviaNa sabana Alatala nompotove kita. Bo sii-sii Alatala nompakaoge Ia bo nidekeiNa ka Ia nturo nibila sabana Ia nombarasai susa bo pari sampe namate.

Lukas 22:30

Jadi komiu muni madamba mangande bo manginu ante Yaku ri PoparentaKu tempo Yaku majadi Magau. Bo komiu monturo ri sapulu randua gadera magau bo momparenta tona lako ri sapulu randua valaa ntoIsrael.”

Markus 13:30

Pariaramo tesaKu hitu! Dopame mamate pura-pura tona natuvu tempo haitu, pura-pura kajadia nitesaKu pangane majadimo.

Matius 25:31

“Tempo Yaku, Ana nu Manusia makava mpanjili ri dunia ante reme bo kuasaKu, nosanggani-nggani ante malaeka-malaekaKu, Yaku monturo ri Gadera PoparentaKu mombatangara mpo Magau.

Lukas 22:18

Kuuli ka komiu, nompamula hitu, domo Kuinu hanupa uve anggur sampe majadimo Poparenta nu Alatala.”

Lukas 2:26

Nosa Gasa haitu nompopaisani ka ia, dopa ia mamate ane dopa rakitana Magau Topepakasalama anu nijanji nu Alatala.

Markus 13:26

Bo ri tempo haitu pura-pura manusia ri dunia manggita Yaku, Ana nu Manusia, manau riara kulimu. Bo rakitara kaogeKu bo kuasaKu nipokumaaka.

Matius 24:30

Ri tempo haitu meumba tanda ri langi mompakalanto kakavaKu, Ana nu Manusia. Bo pura-pura manusia ri dunia motumangi ante eka nu rara, ane rakitara Yaku, Ana nu Manusia, manau riara kulimu ante kuasaKu bo kaogeKu nipokumaaka.

Matius 16:28

Pariaramo tesaKu hitu! Naria bara sako-ndua komiu ri sii ledo mamate ane dopa rakitara Yaku, Ana nu Manusia, makava ri dunia hitu eva Magau.”

Yohanes 21:23

Lako rahaitu natolelemo kareba ka topomparasaya i Yesus nanguli anaguru nipotoveNa haitu ledo mamate. Tapi ledo ivesia tesa i Yesus. Ivei niuliNa: “Ane rapana Yaku madota ia matuvu sampe Yaku makava mpanjili ri dunia hitu, haitu ledo paraluu musani.”