Markus 7:5 - Kaili Ledo

⁵ Haitu sabana toFarisi bo guru-guru agama haitu nekutana nte i Yesus, <>

Markus 7:5 Referans Kwoze

2 Tesalonika 3:6

Sampesuvu-sampesuvu, ante kuasa nidekei i Pue Yesus Kristus ka kami, kami nomparenta komiu, nee ntoto mosimpovega ante sampesuvu sampomparasaya namau bo ledo nangoseaka pepatuduki nipatuduki kami ka komiu.

Suro-Suro 21:21

Niepera kareba anu nompakasala komiu. Niepera komiu nompatuduki pura-pura toYahudi anu nonturo ri ngata ntona ledo toYahudi, ala rakabasakara Atura-atura agama haitu. Niepera muni komiu nompatuduki domo paraluu ira mombasuna anara bo domo paraluu mantuntuni ada ntoYahudi.

Galatia 1:14

Natutupa yaku nangoseaka agama Yahudi pade pura-pura roaku toYahudi anu sanggatuvu nte yaku. Nadidi mpuu raraku nangoseaka pepatuduki bo ada-ada ntotua kami nggaulu.

Suro-Suro 21:24

Agina komiu hau movia ada pompakagasa karo mosanggani-nggani nte ira, bo komiu mombabayari pura-pura anu rapesombara. Naupu sia, ira mamala ragau, tandana nipakaduparamo pojanjira. Ivesiamo, rasani ntodea ledo nakana kareba niepera nombatesa komiu, apa komiu mboto nantuntuni Atura-atura agama anu nipapola Nabi Musa.

Matius 15:2

“Nakuya anaguruMiu nombaliunaka ada-ada ntotuata nggaulu? Tempo nangande, ira ledo nemanjo ntani ruru nangoseaka ada-adata!”

Roma 4:12

Bo i Abraham muni rapotuama ntoYahudi, haitumo ira anu ledo aga nangoseaka ada posuna tapi nangoseaka jonjo pomparasaya i Abraham dopame ia nisuna.

2 Tesalonika 3:11

Niuli kami ivesia sabana niepe kamimo naria bara sako-ndua komiu namau ri situ. Ira ledo nokarajaa nuapa-nuapa, aga nabago nombaurusi bago ntona ntanina.

Markus 7:8

Parenta nu Alatala nipoaramiu bo ada-ada nu manusia nikangisimiu pakaroso.>>

Markus 7:9

Bo nanguli munimo i Yesus ka ira, <

Markus 7:13

Ante pepatuduki ivehaitu, domo niparibavomiu Tesa nu Alatala, damo aga ada-adamiu nioseakamiu. Bo da nadeapa muni anu ntanina ivehaitu nipoviamiu.>>