Markus 4:8 - Kaili Ledo

⁸ Bo naria muni sanu savua nanavu ri tana naboya. Savua haitu natuvu sampe nambaso bo novua nabelo. Savua haitu novua talupulu-nggani kadeana, naria sanu onopulu-nggani bo naria muni sanu saatu-nggani kadeana vuana.>>

Markus 4:8 Referans Kwoze

Yohanes 15:5

Yakumo hii valaa anggur bo komiumo tu tinggu-tingguna. Ane komiu maroo mosangu rara nte Yaku bo Yaku maroo mosangu rara ante komiu, komiu movua madea. Tapi ane komiu mogaa lako nte Yaku, ledo rapakulemiu movia nuapa-nuapa.

Kolose 1:6

bo natolele ri umba-umba ri dunia sampe da kapantambai-mbaina kadea ntona nomparasaya i Yesus bo katuvura nipakabaru. Ivesia muni najadi ante komiu, nompamula lako ri tempo niepemiu Kareba Belo bo mpuu-mpuu nirasaimiu kabelo nu Alatala.

Markus 4:20

Savua nanavu ri tana naboya nirapaka tona anu nangepe Tesa nu Alatala bo nantarima Tesa haitu. Kaupuna naria asele lako ri Tesa haitu riara nggatuvura, naria sanu talupulu-nggani kadeana, naria onopulu-nggani kadeana bo naria sanupa saatu-nggani kadeana.>>

Suro-Suro 17:11

Tona ri ngata Berea nabelo rarara, ledo mpo tona ri ngata Tesalonika. Nadamba rarara nangepe kareba i Yesus bo eo-eo niparesara Buku Gasa ala rasanira bara makana tesa i Paulus bara ledo.

Matius 13:8

Bo naria muni savua nanavu ri tana naboya. Savua haitu natuvu sampe novua. Naria saatu-nggani kadeana, naria onopulu-nggani, bo naria muni talupulu-nggani kadeana.

Filipi 1:11

Bo pokainggumiu mpuu-mpuu majadi mabelo bo manoa sabana pokarajaa i Yesus Kristus riara nggatuvumiu, sampe madea mpuu tona mombabila bo mompakaoge Alatala.

Yohanes 7:17

Isema-sema madota mangoseaka dota nu Alatala, natantumo rasanina pepatudukiKu hitu lako nte Alatala, bo ledo lako nte Yaku mboto.

Lukas 8:15

Savua nanavu ri tana naboya, nirapaka tona nanoa bo nabelo rarara. Niepera Tesa nu Alatala bo nipariarara. Ira bate-batena nangoseaka Tesa nu Alatala sampe noguna mpuu katuvura.”

Lukas 8:8

Bo naria muni savua nanavu ri tana naboya, bo nabelo mpuu katuvuna sampe vuana saatu-nggani kadeana.” Naupu notesa ivehaitu, nangulimo i Yesus, “Isema-sema naria talingana, pariaramo porapa hitu!”

Matius 13:23

Tapi savua nanavu ri tana naboya nirapaka tona nangepe Tesa nu Alatala bo nipariarara sampe naria mpuu-mpuu asele riara nggatuvura. Naria sanu aselena saatu-nggani kadeana, naria onopulu-nggani kadeana bo naria talupulu-nggani kadeana.”

Markus 4:7

Bo naria muni sanu savua nanavu ranggarui. Karui haitu natuvu bo nangupisi savua sampe ledo nabelo katuvuna bo ledo novua.

Markus 4:9

Bo nanguli munimo i Yesus ka ira, <>

Efesus 2:21

Iamo nombasunju pakabelo-belo bo nompakaroso banua haitu sampe najadi banua petupu anu nagasa, anu masipato raponturo nu Alatala.