Markus 4:7 - Kaili Ledo

⁷ Bo naria muni sanu savua nanavu ranggarui. Karui haitu natuvu bo nangupisi savua sampe ledo nabelo katuvuna bo ledo novua.

Markus 4:7 Referans Kwoze

Lukas 8:14

Savua nanavu ranggarui, nirapaka tona nangepe Tesa nu Alatala bo niparasayana. Tapi ira aga nompekirika katuvura ri dunia, ira madota makalumana bo madota matuvu masana ri dunia. Pura-pura haitu nompakabago ira sampe ira ledo napola nangoseaka Tesa nu Alatala bo katuvura ledo naria gunana.

Lukas 21:34

“Pakabelo! Komiu kana mainga, apa Yaku, Ana nu Manusia, sampesanika makavamo. Nee sampe Kukava komiu aga mosusa bo manginu sampe malangu, atau masesa rara mompekirika katuvumiu eo-eo sampe komiu ledo masadia. Apa Yaku makava nte pura-pura manusia ri umba-umba ri dunia bo kakavaKu masimbayu mpo tolia.

Lukas 12:15

Pade nanguli i Yesus ka todea, “Pakabelo-belo! Nee madamba gaga raramiu ante mbara-mbara, sabana naupa mbara-mbaramiu nadea ledo haitu mompakajadi katuvumiu mabelo.”

Lukas 8:7

Naria muni savua nanavu ranggarui. Savua haitu natuvu singgani ante karui, tapi kaupuna namatemo savua haitu sabana niposiupisi nggarui.

Matius 13:22

Savua nanavu ranggarui nirapaka tona nangepe Tesa nu Alatala bo niparasayara. Tapi ira aga nasesa nompekirika katuvura mboto riara dunia hitu, bo ira aga naino ka doi. Haitu pura-pura nangupi Tesa nu Alatala sampe ledo ria aselena riara nggatuvura.

Matius 13:7

Naria muni savua nanavu ranggarui. Karui natuvu sanggani-nggani nte savua. Nasae-sae, karui nangupisi savua haitu sampe namate.

Matius 13:8

Bo naria muni savua nanavu ri tana naboya. Savua haitu natuvu sampe novua. Naria saatu-nggani kadeana, naria onopulu-nggani, bo naria muni talupulu-nggani kadeana.

Markus 4:6

Tapi napanepa eo, nalelemo bo nangaumo sabana ledo nandala kalena.

Markus 4:8

Bo naria muni sanu savua nanavu ri tana naboya. Savua haitu natuvu sampe nambaso bo novua nabelo. Savua haitu novua talupulu-nggani kadeana, naria sanu onopulu-nggani bo naria muni sanu saatu-nggani kadeana vuana.>>