Markus 4:6 - Kaili Ledo

⁶ Tapi napanepa eo, nalelemo bo nangaumo sabana ledo nandala kalena.

Markus 4:6 Referans Kwoze

Yakobus 1:11

Tempo peindo nu eo napane, kavoko haitu nalele sampe naronto sesena, bo naronto puramo rambana. Ivesia muni ante tona nakalumana. Sanggani tempo riara popaelona, mamate muni ia.

Pompakita 7:16

Ira gahaitu domo mombarasai ara ntai bara bai ntambolo. Bo ira domo muni rapapusi mata nu eo bara mombarasai eo mpane.

Yudas 1:12

Tempo komiu nasiromu nangande nosanggani-nggani mantora posangu raramiu nte i Kristus, guru-guru mpodava gahaitu aga nepakaeya. Ledo naeya matara nompebasa nangande bo aga nompekirika karora mboto. Ira ledo ntoto ria gunana, nasimbayu mpo kulimu vuri anu ledo najadi uda, aga niburusi mpoiri. Bo ira nasimbayu mpo kayu ledo novua ri tempo mpovuana, mpo kayu nitovo bo nipekalesi sampe namate mpuu.

2 Tesalonika 2:10

Rapakena mpengaya akala nadaa mombabagiu tona anu masipato mami mamate bo rapopogaa lako nte Alatala. Ira mamate bo rapopogaa lako nte Alatala sampe ri kasae-saena sabana ira ledo nadota mantarima bo mompotove pepatuduki nakana lako ri Alatala, anu nompakule mompakasalama ira.

Kolose 2:7

Katuvumiu nosangu rara nte Ia kana masimbayu mpo kayu nandate kalena, bo banua da kapombangu-banguna ri bavo pandasi naroso. Komiu kana mantambai karoso pomparasayamiu, evamo nipatuduki ka komiu. Bo komiu kana masaro mosukuru nte Alatala.

Efesus 3:17

sampe i Kristus bate-batena monturo riara ntaimiu sabana komiu nomparasaya Ia. Bo kuperapi ala katuvumiu rakuasai nu tove i Kristus bo toveNa haitu mokale riara ntaimiu.

Matius 13:6

Tapi napanepa eo, nalelemo bo nangaumo savua haitu sabana ledo nandala kalena.

Markus 4:5

Naria muni sanu savua nanavu ri tana navatu. Savua haitu nasalisa natuvu sabana tanana ledo nakumba.

Markus 4:7

Bo naria muni sanu savua nanavu ranggarui. Karui haitu natuvu bo nangupisi savua sampe ledo nabelo katuvuna bo ledo novua.