Markus 3:2 - Kaili Ledo

² Bara sako-ndua toFarisi ri sia nompariara pakabelo-belo ala rakitara i Yesus mompakabelo tona haitu ri eo penonto, ala mamala rapangadura.

Markus 3:2 Referans Kwoze

Lukas 14:1

Naria saeo ri eo penonto, i Yesus hau nangande ri banua pakeni ntoFarisi. Tona ri sia nompariara nuapa rapovia i Yesus.

Lukas 6:7

Bara sako-ndua guru agama ante toFarisi nangganotosi i Yesus pakabelo-belo ala rakitara bara mompakabelo tona nadua haitu Ia ri eo penonto. Ira madota mangelo sala i Yesus rapangadura.

Lukas 20:20

Jadi nielora loga mabelo mombasaka Ia. Nitudura bara sako-ndua tona hau mompomata i Yesus. Nitunggaira netingu nangelo tesaNa masala, ala i Yesus mamala rakeni rapangadu ri ngayo gubernur.

Yohanes 9:16

Bara sako-ndua toFarisi haitu nanguli, “Natantumo i Yesus haitu ledo lako nte Alatala, sabana Ia ledo nangoseaka atura-atura eo penonto.” Tapi naria muni sanu nanguli, “Umbamo tona nadosa mamala movia kabaraka ivehaitu?” Jadi nosisala panggava ira.

Matius 12:10

Ri sia naria saito tona nakoyo sabingga palena. Naria toFarisi hamai madota mangelo sala i Yesus ala rapangadura. Haitu sampe nipekutanara Ia, “Nangoseaka atura-atura agamata, mamala kita mompakabelo tona nadua ri eo penonto atau ledo?”

Markus 3:3

Nanguli i Yesus ka tona nakoyo palena haitu, <>

Yohanes 8:6

Patuju nu pompekutanara haitu mombatoliani tesa i Yesus ala mamala rapakasalara Ia. Tapi i Yesus ledo notingo. Ia aga notungga notulisi tana ante koya-mpaleNa.