Markus 3:14 - Kaili Ledo

¹⁴ Nakavapa ira, nipelisiNamo sapulu randua majadi suroNa ala ira momporoa Ia bo ratuduNa hau mompatolele Kareba Belo.

Markus 3:14 Referans Kwoze

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Yohanes 15:16

Ledo komiu nompelisi Yaku, tapi Yaku nompelisi komiu bo nombatudu komiu hau movua madea, haitumo vua anu ledo maupu-upu. Ane komiu movua ivesia, nuapa-nuapa raperapimiu lako nte TuamaKu sabana komiu topangoseaka Yaku, kana radekeiNa ka komiu.

Galatia 1:1

Sampesuvu-sampesuvu sampomparasaya i Yesus anu nasiromu ri umba-umba ri propinsi Galatia: Sura hitu lako nte yaku i Paulus, suro i Yesus Kristus. Yaku ledo nisuro nu manusia bo ledo muni nianggataka nu manusia majadi suro. Tapi yaku nianggataka i Yesus Kristus mboto bo Tuamata Alatala anu nompakatuvu Ia mpanjili lako ri kamateNa. Nadea tabe lako nte yaku, i Paulus, bo lako nte pura-pura sampesuvuta sampomparasaya anu nosanggani-nggani ante yaku ri sii.

Lukas 24:47

Kareba Belo kana rapatolele ka pura-pura manusia; ala ira majea lako ri dosara bo Alatala mombaampungi ira sabana anu nipovia nu Magau Topepakasalama. Kareba haitu kana rapatolele mompamula lako ri ngata Yerusalem hitu sampe ri njumangu dunia.

Markus 3:13

Naupu haitu nantendemo i Yesus hau ri bulu, pade nipokioNa isema-sema nipodotaNa mangoseaka Ia, bo hau mpuumo ira.

Markus 3:15

Bo nidekeiNa kuasa ka ira mompopalai seta-seta.

Markus 6:30

Anaguru i Yesus nanjili lako nompatolele Kareba Belo, bo nasiromu mpanjili nte i Yesus bo notesa pura-pura anu nipoviara bo nipatudukikara.