Markus 3:11 - Kaili Ledo

¹¹ Tona nipesua nu seta, nggani-nggani nanggita i Yesus, kana nantaputu ira ri ngayoNa bo nongare-ngare, <>

Markus 3:11 Referans Kwoze

Lukas 4:41

NipopalaiNa muni seta lako ri tona nipesua nu seta. Seta-seta haitu nesuvu bo nongare-ngare, “Komiu Ana nu Alatala!” Tapi i Yesus nangulika seta-seta haitu, “Kalino!” Ledo nidekeiNa ira notesa, sabana nisanira Iamo Magau Topepakasalama anu nijanji nu Alatala.

Yakobus 2:19

Komiu nomparasaya aga saito Alatala. Haitu nabelo, tapi seta-seta muni nomparasaya Alatala aga saito bo ira nolete naviora!

Matius 8:29

Nongare-ngaremo ira nanguli, “He, Ana nu Alatala! Nakuya tano Komiu tumai? RakuyaMiu kami? RapandasaMiumo kami nau dopa tempona?”

Matius 4:3

Bo nakavamo Magau nu Seta nanggaparai Ia bo nanguli, “Ane Komiu Ana nu Alatala, tudumo vatu-vatu hitu majadi kandea!”

Suro-Suro 16:17

Mombine haitu nongare-ngare ri puri nantuntuni kami gi Paulus. Ia nongare ivei: “Tona hitu batua nu Alatala toNeliu KaogeNa! Ira nakava nompatolele ka komiu berimba komiu mamala rapakasalama!”

Matius 8:31

Jadi seta-seta nesua nte tona randua haitu nerapi nte i Yesus, “Ane Komiu mompopalai kami lako ri tona hitu, palambakamo kami mesua nte bavu-bavu gahaitu!”

Matius 4:6

Bo niulina ka i Yesus, “Ane Komiu mpuu Ana nu Alatala, potingganavumo Komiu lako rahitu hau ri tana. Ledo makuya Komiu sabana riara Buku Gasa nitulisi ivei: ‘Alatala mombatudu malaekaNa mombasaliku Komiu. Ratandera mpale Komiu ala nau kadaMiu ledo mambela vatu.’ ” Mazmur 91:11-12

Matius 14:33

Bo ana-anaguruNa riara sakaya haitu nantaputu nombasomba Ia. Nanguli ira, “Nakana mpuumo! Komiumo Ana nu Alatala!”

Markus 1:1

Hitumo tesa Kareba Belo, tesa i Yesus Kristus, Ana nu Alatala.

1 Korintus 11:34

Ane maria tona naara taina, agina ia mangande ntani ruru lako ri banuana mboto. Nee sampe masiromu mosanggani-nggani bo aga rapambela pehuku nu Alatala. Bo ane yaku tou nte komiu ngena, damo kupakasiayu parakara-parakara ntanina.