Markus 12:3 - Kaili Ledo

³ Nakavapa batua haitu, ledo nidekeikara asele ntalua aga nisakara bo nibobara. Naupu haitu nipopalaira boamo.

Markus 12:3 Referans Kwoze

1 Tesalonika 2:15

ToYahudi anu ledo nomparasaya haitumo nompatesi i Pue Yesus bo nabi-nabi nu Alatala bo ira muni nompandasa kami. Ira nangeva pura-pura manusia bo Alatala ledo ntoto nadamba nte ira.

Suro-Suro 7:52

Ledo ria saitoa nabi ledo nipandasa ntotuamiu nggaulu. Nipatesira muni nabi-nabi anu nompatolele kareba kakava i Yesus, Batua nu Alatala nanoa. Bo sii-sii nipobalumiu bo nipatesimiu Batua nu Alatala haitu!

Matius 15:22

Naria saito mombine toKanaan, tona ledo toYahudi, nonturo ri bagia haitu. Ia nakava nte i Yesus bo nongare-ngare ivei: “Pue, Muli Magau Daud! Poasimo yaku hii! Anaku mombine nipesua seta sampe nandasa mpuumo ia!”

Markus 12:2

Nakavapa tempona mompupu vuana, nitudunamo saito batua hau nte topojampangi talua mombatarima bagiana lako ri asele ntalua haitu.

Markus 12:4

Naliu haitu, nitudu ntupu ntalua vai saitopa batua ntanina hau nte topojampangi talua. Tapi tona haitu muni aga nibobara sampe nabere balenggana, bo nipakaeyara.